麵屋武蔵 武骨相傳 (朗豪坊)

營業中

休息中

植物肉新搞作植廚植物肉做亞洲菜是非常夾！上次跟上海姥姥合作，今次是日式拉麵。阿仔打完波一齊去醫肚，佢食肉，我食素，同枱食飯各自修行。🥗涼拌胡麻山葵素雞沙律 $38好好好味！！個山葵不太嗆鼻，嗆的程度剛剛好！跟胡麻醬非常夾，可以屋企試試。🥗素雞番茄沾汁麵 配吉列素豬扒（含蛋）$88我喜歡沾麵，喜歡醬汁濃稠的掛在麵條上非常滿足。今次植廚做的也是沾麵，醬汁掛麵！不過可能因為係蕃茄湯底關係，有少少似羅宋湯😂吉列素豬扒囗感chewy, 炸粉不會太厚，不油膩，good job。👍🏻

朗豪坊內的拉麵店, 味道都唔錯, 可以試一試 食物 : 二刀流拉麵 $90, 二刀流沾麵 $95 ~ 兩個麵都叫咗香濃豚骨湯, 味道都OK, 唔會死咸, 有豬骨味, 拉麵是幼麵, 份量比較少, 沾麵比較粗, 比較掛湯彈牙, 覺得比較好食, 豚角和义燒都好味, 又入味又夠淋, 整體唔錯 飲品 : 店內有凍水供應 環境 : 日式裝修幾舒服 服務 : 職員有禮貌 價錢 : HK$204 (包加一服務費)

牛肝菌🍄‍🟫雞🐔白湯沾汁麵🍜香味 (4/5) - 個沾汁一聞落去，雖然唔係極之明顯，但細意品嚐吓個香味，牛肝菌🍄‍🟫同雞🐔味同時存在。湯頭 (4/5) - 質感都算濃稠，雞味唔係太濃但還可以，鹹味以沾汁來講算剛剛好。沾汁入面加埋白蔥，令成事清新左，完成度更高。麵條 (5/5) - 一如既往，沾麵係用左坑紋麵，非常罕有，令成個用餐體驗更有立體感，配沾麵係絕配。配料 (4.5/5) - 首先，主角我認為係牛肝菌，真係非常之咁好味。菇味好出，鮮甜，口感爽，可以話係我食過嘅拉麵或沾麵中最傑出嘅配料！雞叉燒方面，一如所料，用嘅係雞胸，唔算太驚豔，但亦算過得去。因為雞叉燒都算係主角，所以少少扣分。荀乾方面，正正常常，甜味荀味都夠，幾好食。食到尾，加湯，將少量嘅麵，配料放埋落去個稀釋左嘅湯度，體驗完整！所以一路enjoy住，一路食，湯都清埋！整體 - 值得推薦 👍👍👍👍👍

麵屋武蔵呢四個字，開初比到我嘅感覺係，d拉麵一定係大眾口味，唔會特別好。點知，我錯了，我點嘅呢碗沾麵非常之有驚喜！二刀流🔪沾汁麵🍜（黑蒜🧄豚骨湯）香味 (4/5) - 試問有黑蒜油存在嘅湯，又點會唔香呢？一如所料，香味非常充足！湯頭 (5/5) - 真心覺得呢個黑蒜🧄豚骨湯真係交足功課！香濃不在話下，亦符合我個人口味，唔會太鹹！點餐嘅時候我仲擔心會過鹹，點知鹹度以沾湯來講係洽到好處！油量係高嘅，不過我認為沾湯油量高係好正常，咁先可以保持沾湯嘅溫度，而且香！麵條 (5/5) - 直接滿分啦！點解，因為麵條係响香港非常少見嘅坑紋麵，有助掛湯，而且口感亦同平時會遇到嘅圓麵或方形麵有所不同，更有層次感！麵香正常，硬度係偏軟熟，但不失咬口。配料 (4.5/5) - 稱得為二刀流，當然係兩款叉燒啦！第一款，豬肩肉。有半塊，味道甘香，算係嫩滑，相當好食！如果有一整塊就更好 😊第二款，豬腩肉。咁，當然係肥啦，但還可以。口感方面，稍稍柴左dd，還可接受。滷得好入味，又不至於過鹹！溏心蛋有半隻，算水準以上！沾湯入面，仲有少少白蔥同青蔥，為整體添上少少清新感覺。整體 - 值得推薦 👍👍👍👍👍

经常经过睇到好多人去吃，價格是唔便宜，又想試試味道😆🤣主要還是想試試他們拉麵🍜選了經典: 二刀流拉麵🍜湯底濃郁，辛味微辣，但說真的，沒吃到辣味。😆湯底很多油，但是香濃的。拉麵麵底有韌性，咬起來好吃不錯👍二刀意思就是叉燒和腩肉各一大塊。叉燒肉彈糯，有韌勁好吃😋腩肉半肥瘦，也好吃美味的。整體感覺還可以既。不過份量少，男生食可能感覺唔夠。同樣辛味拉麵🍜 我應該會揀另外一間。試過就算😆哈哈！

今日食飯去咗朗豪坊，行過見到依間拉麵店，好似幾好，加上唔洗排隊直入，於是就去咗Try Try😗。坐底之後，店員就會提供QR Code，用佢嚟落單。-🍴二刀流拉麵🍜(香濃豚骨湯)($90)因為本人唔食蔥同荀，所以叫咗唔上🙊。二刀流包咗兩款唔同嘅肉，分別係豚角同叉燒，拉麵仲有半隻溏心蛋🥚。湯底都幾濃，餐牌上寫住選用咗大量豚骨、小魚乾🐟、貝柱同蔬菜而煮成，好足料🤓。溏心蛋亦都好好食😋，不過兩款肉類就麻麻地，首先叉燒雖然都幾厚身，不過正正因為厚身而令到有啲難咬，其次豚角望落幾靚，一層肥一層瘦，但係好鹹😐。-🍴相傳煎餃🥟($48)煎餃有5隻，味道正常，冇咩特別😂。

經過見到有新野。特製浪人蟹湯拉麵$88加流心蛋$10湯底是比較鹹，但蟹味係濃郁。拉麵及配料份量比較少，只有軟殼蟹同一點點菜。唯一好吃的是軟殼蟹，夠脆及炸粉醬唔太厚，好味拉麵冇口感，唔彈牙，普通。

係附近睇完醫生，諗住貪方便就揾左間拉麵食。呢到環境就正正常，少少嘈啫，不過話晒都係半開揚嘅舖位，咁都明白嘅。可能因為係平日午餐時間，所以入座就唔洗等嘅，不過個侍應態度少差咁。佢指我去某張枱（卡位），我咪過去，然後佢就話呢張留比四人坐，一個人坐二人枱（指），但個張枱本身比野擋住左，我睇唔到先以為佢叫我坐卡位，佢啲語氣小西。講下食物先，我睇餐牌見到有個期間限定嘅，就試下佢1️⃣牛肝菌雞白湯拉麵+蘋果汁$150（加一）老實講，味道唔係話好差，但我覺得好油同偏咸，如果你係重口味人士就應該接受嘅，但我麻麻地。拉麵口感就正正常常啦，但份量太細，食幾啖就突然發現食晒。配菜方面，啲雞肉同牛肝菌份量都足，仲有少少黑松露醬，味道Okay嘅但竟然冇筍，好失望。蘋果汁就正正常常啦，飲落都飲啲日本品牌嘅蘋果汁，但就盛惠28蚊。心聲：服務一般，Order又自己Scan code，仲收乜服務費🤢🤢

早前去旺角拎完野諗住行下朗豪坊，去到電話無電去借電，貪方便就諗住係同層食埋野就還電。其實又無乜特別野想食…最後求其揀左拉麵.相傳叉燒拉麵(香濃豚骨湯）$88整體黎講就普通，無乜特別。要食好食既拉麵可以有好多選擇(´･ω･`)試下就好.

大家午安！ 第二次到這虎洞幫襯，拉麵真係麻麻，湯底比較普通，是沒有靈魂的湯麵，麵也是很細份，應該係豚王拉麵份量的一半，溏心蛋都算合格，其他小食都唔錯，腐皮烏賊餅夠乾身，外脆內彈牙，味道都係來自於醬料，青魚定食份量也十足，魚煎得好香，配菜好食。整體來講普通，但性價比低，零服務，一切自助，無俾紙巾，茶餐廳招待客人模式，完全無資格叫做日式拉麵店，日本招呼又無，木口木面，乜都係自己嚟，除咗煮及上菜，又識收10% 服務費，味道普通價錢係日式餐廳價，不會再幫襯！

一心諗住揾商場可以用嘅恒生cash dollar 嘅食店上網搵到話旺角朗豪坊呢間武骨麵屋武藏可以用原來係呃人😡😠😤上網睇到可以用恒生cash dollar 俾錢到埋單時候個員工話唔可以用又無寫住唔用得咁者係點？又話公司無用恒生機但就可以繼續碌恒生卡究竟呢間鋪係咩玩法恒生網頁好耐之前上親去睇都有顯示可用為何顧客食好後先話唔用得真係唔該商店要正視呢個問題呢間鋪銷售手法真係好唔掂請大家各自評理 搞到新年流流都要俾人鬧就唔好啦電子消費嘅唔係好可信🤦🏻‍♀️

近排想食沾麵，就去左附近朗豪坊去食對上一次食係食過原味正常既豚骨湯底所以今次就試試二刀流沾汁麵(黑蒜豚骨湯）$95湯底好夠濃，拉麵沾幾沾都好入味旬，蛋都好食左邊舊肉夠淋同超入味，係最好食湯亦夠蒜味，最後都有全部食晒睇餐牌既時候仲見到有牛肝菌鷄白湯沾汁麵$108都想食，咁岩第2日都會再出旺角，就喺第2日試埋佢！呢個口味既沾麵比較少見，但湯底都一樣夠濃同好味雞夠滑，沾滿湯既雞都令雞由無咩味變夠味菇既味普通如果麵底既量可以多啲就好

有日經過旺角想食啲嘢因為見到呢間餐廳比較少人而且唔洗等位所以決定入嚟醫肚本身唔好拉麵嘅我所有菜式對我嚟講冇咩太大要求- - - - - - - - - - - - - - - - - - - - - - - -1. 相傳叉燒拉麵(香濃豚骨湯)老實講我見到呢碗拉麵有種覺得點解同菜單張圖咁唔同望落啲餸少得可憐味道還好 唔會太咸2. 相傳煎餃呢碟煎餃反而比我預期好食因為佢煎得好靚仔金黃脆面 食落有聲3. 黑鳥黑鳥即係日式炸雞上面有啲黑蒜醬汁蒜味唔會好重唔驚食到口臭 哈哈～

今日係旺角做完運動，臨近晏晝，就係朗豪坊搵下有咩食😋係open rice 見到呢間日本沾麵店，價錢又平民，就去咗試下喇☺️🥧五輪燒餅（$58）見到好多有人嗌呢個小食，就嗌嚟試吓喇🤣佢個味道同大板燒好似，包括鋪滿燒餅嘅日本醬汁同沙津醬，而佢個餅都唔會好粉，唔會一夾就跌🤣不過呢個主打用廣島蠔做嘅燒餅個人就覺得無咩蠔味喇🤫🍝二刀流沾麵（黑蒜豚骨湯）（$88）二刀流沾麵包括一塊大叉燒同豚角🐖叉燒肥厚適中，反而豚角就比較肥，都有差唔多半舊係肥膏🫠黑蒜豚骨湯個人覺得蒜味唔係好突出，味道係中規中矩。反而沾麵嘅麵底就好煙韌，軟硬程度啱啱好☺️🍜二刀流拉麵（香濃豚骨湯）（$85）朋友都係嗌左二刀流，不過係拉麵。我偷偷試左佢個湯底幾啖，個人覺得好過黑蒜湯底。豬骨味濃得嗌又唔會好咸，飲左幾啖都唔會話好頸渴🥰而拉麵嘅麵底係幼麵，軟硬度都啱啱好👍🏻評分：⭐️⭐️⭐️/5人均消費💰：$115

叫了一碗二刀流拉麵，赤湯底。豬腩肉部分很出色，醃得很入味，肥瘦適中，滿口肉香。拉麵份量略厭少，但麵條係好吃的。湯底黏口，杰身香濃又不會太辣，食得出加了少許蒜油。會再幫襯。