中華小廚 (已結業)

天氣咁熱, 煮飯真係一大苦差, 見呢間小廚平時晚飯時候都唔少人幫襯, 質數應該唔差得去邊 見佢餐牌有小菜, 仲有套餐, 包例湯及白飯 今日係青紅蘿蔔湯, 夠晒熱, 份量唔多, 飲完都唔會好飽 每人叫一個小菜, 呢個北菇雲耳蒸鷄, 鷄件份量都多, 仲要係有肉, 配埋北菇及雲耳, 香味幾好, 但面層D油多左D, 要食之前"隔"咁D油食會好D 晚餐又點可以少個菜呢?! 就要左呢個清清地既海味什菜煲, 材料都幾豐富, 有菜心, 西蘭花, 蝦米, 粉絲, 鮮魷(幾彈牙), 冬菇, 味道調教得幾好, 最岩我係無咩油, 感覺健康D加埋個凍檸茶都係百幾蚊落樓, 又有電視送飯，舒舒服服咁食個晚飯！