東海酒家 (已結業)

從袋鼠國回港後一路沒有機會品嚐中菜。於是約左舊同事一起於東海酒家晚宴，一於一路食，一路派手信！當晩點了6道菜，分別為： 青瓜木耳海哲，脆皮燒肉，蜜汁燒鱔，上湯鮮竹浸翡翠，大斑兩味。青瓜木耳海哲： 有酸辣感覺，開胃，作為前菜一流👍🏻脆皮燒肉： 太耐冇食燒味，故order 了一客，不過不失。蜜汁燒鱔：十分惹味的蜜汁。加上沒有骨的燒鱔。非常好味！上湯鮮竹浸翡翠 ： 新鮮腐竹配上翡翠苗，清爽。大斑兩味：一味係荷蘭豆炒斑球，另一味係蒸魚件。豉油配上白飯一大絕配！另外斑球啖啖肉，絕對適合唔鐘意有骨嘅我❤️❤️❤️另附上甜品2碗，是晚很滿足地離去了。。。