念川居 (MOKO新世紀廣場)

營業中

休息中

同男朋友都鍾意食辣，懷念成都好辣的好日子，情人節特意book念川居諗住食餐好，重溫舊夢。點知…..服務態度不佳，服務員講野大聲又無禮貌。上網見到呢間好評不斷，但食物質素同期望落差好大。正宗口水雞一D都唔正宗，做法10分特別，一半生一半熟得滯，仲有雞毛係上面，都唔知點做到。個醬汁極重豆瓣味，但既不香又不辣。黃酒豬手食落有一浸騷味⋯⋯醬汁香濃，但豬手同蘿蔔一啲都唔入味， 肉質就好似煲完湯咁。感覺就好似白水煮原隻豬手，跟住加個汁撈一撈就算。呢個價錢，食呢個質素，完全唔知個D錢食咗去邊。從來都冇寫過食評，呢個係人生第一次。實在係喺網上面見到呢間舖頭好平如潮，完全諗唔明呢啲好評係邊度嚟。總之一句極不推薦。