影片
更多
2023-11-23
24 瀏覽
呢間餐廳以懷舊校園作裝修風格，所有嘅餐桌都係昔日課室既木製書桌，仲有黑板、跳馬等校園元素，不禁令人懷緬青蔥歲月。 鰻魚山藥燒配醬油溏心蛋帆立貝湯烏冬（$148）呢個鰻魚大阪燒以山藥取代麵粉，令到成個大阪燒嘅質感無咁鬆散， 鰻魚好大嚿好肥美，配上木魚𥕦、紫菜碎、蛋黃醬，以及鰻魚汁，增加咗味道同口感既層次。烏冬係醬油湯底，味道濃郁，烏冬幾有咬口，帆立貝同溏心蛋都好正。 每一個套餐都有麵豉湯同兩款前菜，佢麵豉湯同前菜完全唔馬虎，麵豉湯入面有幾粒大隻蜆肉，令到碗湯更加鮮甜；薯仔沙律配上淡淡蛋黃醬，味道清而不寡。日作極上丼（218）餐廳嘅主打當然要試，呢碗刺身丼飯非常足料，材料豐富，包括北海道帶子、油甘魚、中拖羅、赤蝦、吞拿魚蓉，以及三文魚籽。帶子足足有三粒，每粒都成cm厚，而且好鮮甜，中拖羅同油甘魚同樣好新鮮，食落口腔裏面充斥着滿滿嘅魚香油脂，仲有大量嘅三文魚籽同吞拿魚蓉，非常下飯。 富士山汽水（跟餐+$28）呢隻藍色好靚，藍色汽水加上白色cream，真係有啲似富士山，但飲落其實就係波子汽水加cream。和風炸餃子（$48）外脆內軟，剛剛新鮮炸完就上枱，一咬落去仲有煙出，配上店舖自家製嘅酸
鰻魚山藥燒配醬油溏心蛋帆立貝湯烏冬（$148）
呢個鰻魚大阪燒以山藥取代麵粉，令到成個大阪燒嘅質感無咁鬆散， 鰻魚好大嚿好肥美，配上木魚𥕦、紫菜碎、蛋黃醬，以及鰻魚汁，增加咗味道同口感既層次。
烏冬係醬油湯底，味道濃郁，烏冬幾有咬口，帆立貝同溏心蛋都好正。
每一個套餐都有麵豉湯同兩款前菜，佢麵豉湯同前菜完全唔馬虎，麵豉湯入面有幾粒大隻蜆肉，令到碗湯更加鮮甜；薯仔沙律配上淡淡蛋黃醬，味道清而不寡。
日作極上丼（218）
餐廳嘅主打當然要試，呢碗刺身丼飯非常足料，材料豐富，包括北海道帶子、油甘魚、中拖羅、赤蝦、吞拿魚蓉，以及三文魚籽。
帶子足足有三粒，每粒都成cm厚，而且好鮮甜，中拖羅同油甘魚同樣好新鮮，食落口腔裏面充斥着滿滿嘅魚香油脂，仲有大量嘅三文魚籽同吞拿魚蓉，非常下飯。
富士山汽水（跟餐+$28）
呢隻藍色好靚，藍色汽水加上白色cream，真係有啲似富士山，但飲落其實就係波子汽水加cream。
和風炸餃子（$48）
外脆內軟，剛剛新鮮炸完就上枱，一咬落去仲有煙出，配上店舖自家製嘅酸辣袖子醬，令人食過不停，成份餃子味道亦都同日本食嘅好似。
串燒：
鹽燒雞胸軟骨（$28）
岩鹽燒雞腿肉（$28）
柚子鹽燒豬腩（$32）
好欣賞佢將每一類串燒分碟上，同圖片完全相同，每一碟都有沙律菜同檸檬，呢一點好細心，好符合日式風格，而唔係港式風格，將所有串燒放埋一碟一次過上。
佢嘅串燒調味同燒既火候都恰到好處，雞胸軟骨比一般雞軟骨爽脆，而且更大串；雞髀肉，外皮金黃，雞肉鮮嫩彈牙；豬腩肉肥瘦相間，油脂豐富，比例正好，配上柚子汁，食完唔會覺得油膩。
北海道特濃牛乳軟雪糕（$35）
呢個有啲喜出望外，冇諗過咁好食，牛奶味非常濃郁，食一啖入口，成個口腔都係充斥着甜甜嘅奶味。
張貼
