龍華酒店 (下禾輋)

營業中

休息中

住得新界嘅人應該都會聽過龍華酒店出名食乳鴿 佢位置唔喺市中心 由沙田地鐵站行過去大概十分鐘左右 要經過啲村屋 不過呢度出名就係歷史悠久 以前呢度係酒店 不過由於消防條例而家呢度就只係做食肆我哋一坐低就叫咗紅燒乳鴿 餐廳嘢好細心已經喺枱面放咗膠手套 方便你對乳鴿大開殺戒 我哋叫咗店員開半斬 可以方便保留肉汁食落更加原汁原味 乳鴿唔係用BB鴿 不過食落都唔會韌 外皮炸香咗 一撕開仲好多肉汁流出嚟 非常美味茄汁燒大蝦 蝦球新鮮大隻啖啖肉 個茄汁做得都幾出色 送飯一流豉油王炒麵 炒得都算有鑊氣 又唔會過鹹 簡簡單單有芽菜蛋絲韭黃加埋炒麵用豉油炒就已經係簡單嘅美味雖然餐廳位置唔算特別方便 但係其實都幾多人嚟食 當日係平日 我諗都有坐滿一半位置 另外見到隔離台叫咗桶豆腐花好似都幾好食 下次可以試下