蓮香居 (已結業)

外出做嘢，一個地方接一個地方， 吊頸都要抖下氣 有時個人唔係好肚餓，但係你總會口痕想食啲嘢，想令自己有返d mood當我快速經過蓮香居嘅時候，就突然好想 食懷舊小食! 放下腳步行入舖頭🚶‍♀️🚶‍♀️🚶‍♀️ 玻璃櫃裏面有各種唔同懷舊小食，例如: 老婆餅、皮蛋酥、杏仁餅，大大嚿蛋糕……等等!我覺得老婆餅同杏仁餅好多地方都會買到，反而皮蛋酥就唔係度度有得買， 以及我見到佢啲皮蛋酥有啲係放咗落焗爐入面，係可以即時買到個熱辣辣嘅嚟食，所以我就決定買一個大嘅皮蛋酥慢慢歎!!皮薄餡靚嚟形容呢個皮蛋酥絕對冇講錯🤩 佢嘅酥皮唔會太厚， 唔會覺得淨係食到嚿麵粉嘅感覺，再咬入去佢有啲蓮蓉包住個皮蛋 !! 我最鍾意食佢啲蓮蓉，唔會好甜! 你知啦有啲蓮蓉食落去淨係得陣糖味，甜到你唔想再食第二啖但係佢嘅 蓮蓉 配合埋啲皮蛋， 完全中和曬所有味道 皮蛋心值得一提，如果有啲係實的的嘅皮蛋根本係冇心機食落去，有少少流質咁嘅口感完全係會將成個皮蛋酥精髓提升