老鳳冰室 (已結業)

朋友住喺葵芳，佢推介呢間老鳳冰室，我記得以前呢頭都唔見有，可能係新開張無幾耐，一於去試一試😋成間餐廳以懷舊作為裝修主調，門口擺放舊式衣車、電飯煲同水壺做裝飾，充滿七八十年代既情懷。店舖內座位亦舒適，二人獲安排坐卡座。我叫咗個生炸雞髀焗飯，朋友就叫咗魚湯米粉。生炸雞髀焗飯好食，雞髀同焗飯分開上，雞髀炸得好脆，而且有雞味，唔似雪藏雞髀。但朋友嘅魚湯米粉就比較遜色，而且啲米粉份量好少，男仔食應該唔夠飽，同埋個魚湯都冇乜特別。