影片
更多
2020-11-28
1222 瀏覽
因為疫情關係都好少出街，已經有起碼一年冇黎呢間港式扒房。金鳳都算係九龍區平民扒房嘅始祖之一，由以前只有太子總店到而家喺九龍區有幾間分店。以前入到餐廳煙霧瀰漫，坐卡位嘅時候膝頭碰膝頭，侍應哥哥捧住熱辣辣的鐵板喺狹窄的走廊經過，呢啲都係餐廳嘅獨有情懷。估唔到冇見一排，餐廳裝修同座位都新潮同闊落咗好多。==============================西冷牛扒餐 $98喺黎牛扒之前例牌會送上餐包同羅宋湯，餐包叮熱後搽上牛油不過不失，羅宋湯可能就左香港人可能調過味減低左個辣度，同埋都比起我地之前黎飲既稀左冇咁濃郁。不過整體黎講味道都唔錯！「加唔加蒜蓉啊？」「加！」金鳳嘅一大特色，就係可以喺牛扒上加上滿滿嘅蒜蓉！重口味嘅我就梗係要加啦！今次嗌咗兩份西冷牛扒，一份五成熟，一份三成熟。侍應送上牛扒，嘩好大塊，鐵板都係岩岩好夠放，侍應會為你淋上黑椒汁或者蒜蓉汁， 我地選擇左黑椒汁，不過因為塊扒真係太大關係所以只係淋到好少汁上面。不過放心，侍應都幾細心食到途中都留意到鐵板唔夠汁幫我地加。三成熟果塊，第一啖嘅時候覺得有筋，第二啖試吓切塊扒嘅另一邊，都係有筋😕 切呢塊扒簡直係bicep, tri
以前入到餐廳煙霧瀰漫，坐卡位嘅時候膝頭碰膝頭，侍應哥哥捧住熱辣辣的鐵板喺狹窄的走廊經過，呢啲都係餐廳嘅獨有情懷。估唔到冇見一排，餐廳裝修同座位都新潮同闊落咗好多。
==============================
西冷牛扒餐 $98
喺黎牛扒之前例牌會送上餐包同羅宋湯，餐包叮熱後搽上牛油不過不失，羅宋湯可能就左香港人可能調過味減低左個辣度，同埋都比起我地之前黎飲既稀左冇咁濃郁。不過整體黎講味道都唔錯！
羅宋湯
20 瀏覽
0 讚好
0 留言
「加唔加蒜蓉啊？」
「加！」
金鳳嘅一大特色，就係可以喺牛扒上加上滿滿嘅蒜蓉！重口味嘅我就梗係要加啦！今次嗌咗兩份西冷牛扒，一份五成熟，一份三成熟。
西冷牛扒
$98
55 瀏覽
0 讚好
0 留言
侍應送上牛扒，嘩好大塊，鐵板都係岩岩好夠放，侍應會為你淋上黑椒汁或者蒜蓉汁， 我地選擇左黑椒汁，不過因為塊扒真係太大關係所以只係淋到好少汁上面。不過放心，侍應都幾細心食到途中都留意到鐵板唔夠汁幫我地加。
三成熟果塊，第一啖嘅時候覺得有筋，第二啖試吓切塊扒嘅另一邊，都係有筋😕 切呢塊扒簡直係bicep, tricep加埋牙力嘅鍛鍊😅女朋友食到好攰冇癮，好彩未發脾氣🤣
至於五成熟嘅牛扒喺鐵板上上到枱已經變左七成熟，鍾意食生少少既可以叫番生啲就番鐵板既嘅熟度。呢塊就冇乜筋，相對地比較容易切，肉質都淋（鬆肉粉🤣）
整體黎講98蚊食到咁大塊牛扒，都係呢個年代比較難得。有番以前細個父母為左獎勵我地成績好而帶我地食港式扒房既回憶。
張貼
