叁不館

營業中

休息中

近排天氣開始轉涼🍂，特別想打邊爐，同香生帶埋香噴噴👶🏻去咗天后嘅叁不館，餐廳環境充滿舊香港特色，裝修好有七、八十年代嘅風味:古式茶檔、霓虹燈、筲箕等餐牌仲有廣東話歇後語玩，非常有心思♥️店員會詳細講解食物點叫，態度親切友善👍🏻每道黎到又會逐一仔細介紹，好細心！🐥咯咯雞花膠湯推介湯底好足料又滋補，配料有半隻雞同花膠，湯底雞味鮮甜濃郁，雞肉嫩滑，花膠有膠質唔會腥🐮頂級安格斯牛頸脊例牌都好大碟牛肉厚薄切得岩岩好，油脂分布平均，牛肉味濃郁，肉質軟腍💖蘇格蘭蟶子皇鮮甜無沙，爽脆💖日本扇貝大隻又厚肉💖手打五寶丸手打丸有豬肉丸、鯪魚丸、牛丸、墨魚丸同蝦丸，五款丸都爽口彈牙，鯪魚丸同牛丸有驚喜，鯪魚丸打左陳皮，每啖都好香陳皮味，唔會有魚腥味，牛丸啖開有肉汁仲有少少牛根，口感豐富😍🔥新鮮炸響鈴自家制新鮮現炸㗎！酥脆鬆軟嘅響鈴索滿鮮美嘅湯汁，味道口感層次豐富，每一啖都充滿驚喜🥤竹蔗茅根海底椰味道清甜，清熱解渴醬料選擇多，極力推介蔥頭油同自家製沙嗲醬，沙嗲醬辣辣地好惹味