火狐爐端燒 (已結業)

位於四坡坊嘅串燒小店，餐廳充滿懷舊日式裝潢，仲有主打嘅爐端燒料理，會有種置身於日本居酒屋嘅感覺。今次我哋點選咗、冷蕃茄、芝士年糕、幾款串燒、大啡菇芝士燒、原燒玉子、冷蕎麥麵：冷蕃茄係炎熱天氣之下，必點嘅料理！而且酸酸甜甜嘅味道，絕對係開胃前菜！芝士年糕特別嘅燒製方法，令到芝士年糕充滿超香芝士味，仲做到外脆內軟嘅口感！極力推薦！串燒類雞軟骨黃金燒、黑豚五花腩、牛舌調味充滿鹹香配上檸檬汁，提升味道，更有層次感。特別係黑豚五花腩同牛舌，燒至肉汁鮮甜又有口感。大啡菇芝士燒芝士燒至半溶狀態，燒得剛剛好，而且大啡菇充滿菇汁，非常有口感！原燒玉子大大份原燒玉子，蛋味很濃郁很滑，再配上新鮮磨岀嚟嘅蘿蔔蓉一齊食，更別有一番風味！懷舊爐端燒冷蕎麥麵天氣悶熱嘅時候，就想食啲點爽口嘅主食，所以點咗一份冷蕎麥麵，一般出面會使用溫泉蛋，但係呢度就係選用鵪鶉蛋，將中間的蛋液、醬汁攪和一齊，再搭配蕎麥麵食用，非常美味！喜愛日本又鍾意食串燒同飲酒嘅朋友仔，不妨可以去試吓！