瑞士咖啡室 (已結業)

以懷舊裝飾風格嘅茶餐廳，門面已經相當吸引。舖頭入面一樣懷舊，連壁畫都係用麻雀砌出嚟，好港式風味!早餐選擇超級多，早餐供應到12點，啱晒我呢啲懶瞓一族。而早餐方面，最特別同最想試就係早餐極品嘅沙嗲牛肉潛艇。火腿奄列、仿鮑片火腿通粉+沙嗲牛肉潛艇 $40份量超大!! 飽到我都食唔晒呀!!仿鮑片火腿通粉味道方面，仿鮑片略為咸咗少少。沙嗲牛肉潛艇個包烘過，有少少脆卜卜，沙嗲嘅味道好好味!!牛油皮蛋撻($5)，蛋部份甜咗少少。早餐B - 沙嗲牛肉麵 配 餐肉、煎蛋、牛油多士。沙嗲牛肉好味，麵就比較淋身少少。牛油多士味道唔多，只係唔夠脆。一般都要排隊，但等候時間都唔算好耐，下次會再嚟試其他早餐。