金鳳大餐廳 (山林道)

營業中

休息中

今日去咗尖沙咀，走咗去山林道一間換領禮品中心，真係好多人排隊排咗成個鐘，終於換到我要換嘅嘢，排隊排到已經好肚餓，走嘅時候行去彌敦道方向，原來金鳳大餐廳就喺對面，一於去懷舊一翻 可能已經過咗最繁忙時間，入面唔算好多人，搵個位坐，餐廳佈置真係好有懷舊感覺，有種舒服感覺。叫個午餐鴛鴦扒配薯菜， 係雞扒同牛扒，啲肉質唔錯又煎得香，薯條份量唔少，呢隻薯條好重薯仔味，最最喜歡係個羅宋湯，嗰種舊式味道酸酸地有少少辣係好好飲，餐包軟塾，間中都鐘意食吓呢種舊味道。