香港老飯店

營業中

休息中

難得多少少人食飯，我哋就決定去中菜🐖喺尖沙嘴嘅小街都會有啲驚喜餐廳，我哋就入咗依間樓上酒樓。肉鬆四季豆炒得香而且唔鹹，好下飯，帶有少少甜意。奶油津白上面舖上咗切片嘅金華火腿，上湯有住淡淡嘅潤滑感，津白吸收哂湯嘅精華，加上火腿嘅香氣，柔中帶剛。松子黃魚炸得香口，糖醋汁澆上去，酸甜開脆，十分開胃。魚肉鮮嫩，魚皮都一齊炸埋，加上粒粒松子，口感豐富。雪菜肉絲炒年糕，鹹香鮮美，加上年糕口感煙韌，又有本身嘅糯香，令人一啖又一啖咁食。乾燒大蝦肉質彈牙，醬汁都係偏甜身同稠身，香氣十足。桂花酒釀唔太甜，粒粒丸子好煙韌，酒香而且細緻。高麗豆沙係意外驚喜，皮非常柔軟而且膨鬆，豆沙餡香甜，成個點心都好輕柔甜蜜。