影片
更多
2019-11-02
61 瀏覽
今日爸媽結婚周年，同佢哋安排咗「特備節目」——聽戲曲同食好西。 鼎尚棋哥燒鵝湯館主打靚燒味同靚湯，位置喺柯士甸道戲曲中心入面。餐廳裝潢到好有老香港茶餐廳風味，背景播住粵語流行曲，爸媽聽住梅姐、阿Sam嘅名曲琅琅上口。 【椰皇燉嫩雞】用椰皇裝住，幾特別。聽職員講話係用兩個椰皇水加椰子肉加雞所燉，湯味道好香椰子味，但又不失雞味。雞肉仲保持嫩滑，裡面仲有椰肉，加倍鮮甜。 【椰菜瑤柱海皇湯】海皇湯就勁鮮味，湯料有椰菜、蠔豉、蝦乾、章魚、元貝等等，真材實料。 【桂香切雞】好嫩滑嘅雞肉，味道濃郁，仲有少少雞香。呢到嘅桂香雞品相對較高質，同出面嘅雞大有不同，特別有雞味，可能係加入左鼎爺嘅秘方！ 【秘製叉燒例牌】用「半肥瘦」叉燒，咬落去有蜜汁嘅甜香；脂肪嘅油香同叉燒肉香。口感軟腍，絕對係100分靚叉燒嚟。 叉燒同切雞燒味飯可配飯或瀨粉，我自己就鍾意瀨粉夠煙韌有咬口，個湯底仲要好夠味，好清甜。 【荔枝柴燒鵝】食燒鵝嚟講，鵝皮同鵝肉同樣重要。用荔枝柴燒出嚟嘅燒鵝，鵝皮好香脆，有皮下脂肪但唔會太肥，鵝皮鵝肉仲帶咗少少果香味同香烤味，真係同平時食嗰啲好唔同，正好多。阿媽一路食一路讚。 【郊外油菜】大碟鮮爽油菜
【椰皇燉嫩雞】用椰皇裝住，幾特別。聽職員講話係用兩個椰皇水加椰子肉加雞所燉，湯味道好香椰子味，但又不失雞味。雞肉仲保持嫩滑，裡面仲有椰肉，加倍鮮甜。
【椰菜瑤柱海皇湯】海皇湯就勁鮮味，湯料有椰菜、蠔豉、蝦乾、章魚、元貝等等，真材實料。
【桂香切雞】好嫩滑嘅雞肉，味道濃郁，仲有少少雞香。呢到嘅桂香雞品相對較高質，同出面嘅雞大有不同，特別有雞味，可能係加入左鼎爺嘅秘方！
【秘製叉燒例牌】用「半肥瘦」叉燒，咬落去有蜜汁嘅甜香；脂肪嘅油香同叉燒肉香。口感軟腍，絕對係100分靚叉燒嚟。
叉燒同切雞燒味飯可配飯或瀨粉，我自己就鍾意瀨粉夠煙韌有咬口，個湯底仲要好夠味，好清甜。
【荔枝柴燒鵝】食燒鵝嚟講，鵝皮同鵝肉同樣重要。用荔枝柴燒出嚟嘅燒鵝，鵝皮好香脆，有皮下脂肪但唔會太肥，鵝皮鵝肉仲帶咗少少果香味同香烤味，真係同平時食嗰啲好唔同，正好多。阿媽一路食一路讚。
【郊外油菜】大碟鮮爽油菜，啲菜葉幾甜。
飲品叫咗一支【港式奶茶】同一支【阿爺涼茶雞骨草】。港式奶茶堅有茶餐廳風味，夠晒濃夠晒滑，雞骨草好濃但又唔苦，又係真材實料。
我哋喺餐廳仲見到明星級時裝設計師鄧達智，最近佢有做烹飪節目，咁有品味又識食之人都嚟食，肯定係高質嘢啦。
餐廳：鼎尚棋哥燒鵝湯館
地址：九龍尖沙咀柯士甸道西88號戲曲中心GF-05號舖
張貼
