香港餐室 (已結業)

當我一走入香港餐室，見到懷舊 feel 裝修，貼了懷舊黑白廣告圖案；跟沙田菊花園有點相似！前者係新式茶餐廳，後者為雲吞麵檔，各有特色！兩者同樣有三角扇。菊花園 :http://www.openrice.com/restaurant/commentdetail.htm?commentid=2133452 之前，我幫襯過買飯盒，係懷舊紙飯盒，可見 2010-7-19 食評！ 早餐嘅餐單中，由大約 $20 ~ $27 不等，價錢合理！香煎豬扒 拼酒店炒蛋 配 餐包, 秘制餐室汁 $26見到餐紙屬 Mr Steak Concept ，特意選擇豬扒，香煎薄身豬扒做早餐，已經足夠份量。肉質軟硬適中，加上秘制汁，並非一般茶餐廳嘅茄汁，咸味恰到好處帶點酸，十分惹味！翠玉瓜、粟米 - 烚熟夠清淡，又脆又爽甜，確是不錯！炒蛋 - 大約一隻蛋份量，夠滑，與樂香園不相伯仲。餐包 - 係一袋袋包裝送嚟，質素一般。呢份早餐營養豐富！特滑熱好立克加咗不少奶，果然好滑，好立克本身有啲甜味，唔使加方糖都 OK!