霸王山莊

營業中

休息中

成日搭車都會經過呢間霸王山莊，但一直都冇試過，今日終於約到朋友黎食。2個人叫左4樣嘢，食到好飽。片皮鴨，呢間嘅片皮鴨外皮夠酥脆+肉唔會太過肥，最鍾意加埋啲薄餅和醬料一齊食，算係必試嘅經典菜。同埋都係我嘅最愛！一個人食左差唔多半隻。鮮魚羹，魚羹都算鮮甜，冇乜腥味。麻辣水煮魚，魚肉夠鮮嫩仲有我最鍾意食嘅鴨血加分。加埋超級麻辣嘅湯底，岩我鍾意食辣嘅人。乾扁四季豆，豆角炒到微微焦，但又保留翻啲汁+少少辣嘅味道，好餸飯。