古琴雅苑 (太子集團中心)

營業中

休息中

當日係母親節，訂枱嘅時候被告知因為爆滿嘅關係，15樓已經冇位，要我哋去6樓嘅日本餐廳，但係食嘅都係古琴雅苑餐牌。當日去到我哋7:30點餐，但係到八點先上第一道菜。期間我哋有問過服務員(因為用餐時間只有個半鐘)，佢哋用非常差嘅態度話”你又唔係好早落單，係要等㗎啦！”其實要等半個鐘先有第一道菜上枱，已經唔係我早落單定遲落單嘅問題。仲要所有侍應態度都係差到爆，詢問佢哋想要多一客北京填鴨卷餅係咪都要等好耐？ 然後女侍應又係用好差嘅態度話:”你係咪要先？要就即刻俾你！你而家要講㗎喇!”訂枱嘅時候話有壽桃送，而壽桃居然係同啲餸菜一齊上。到我哋食完晒所有嘢，個壽桃已經凍晒。見到嗰日全場爆滿，好明顯佢哋就係做唔切。經濟差我明，但係為咗賺盡而令食客受氣，我諗我真係唔會再幫襯第二次。