Loft & Scone (已結業)

和朋友去中環睇展覽，然後順道到這家Cafe食Scone飲嘢傾計坐下休息下。閑日下午都等左陣先有位，上咗二樓坐，環境都好舒服，位與位之間唔會好近坐低傾計幾舒服。呢間叫Loft & Scones，緊係要叫個Scone Set先得，味道合格，算對得起價錢，配果醬同Cream都好食，夠鬆化，亦唔會成陣麵粉味，只係我個人比較重口，喜歡牛油味更重嘅Scone，呢間Scone對我嚟講味道較淡。幾乎完全由朋友發板，揀咗兩件Cake，兩件都係牛油蛋糕嘅Base加上唔同味道嘅Topping同餡，一件檸檬味，另一件係茶味（忘記左係咩茶）但兩件我都覺得普通⋯ Around 30蚊一件嚟講有啲貴⋯另外嘢飲我揀咗Matcha  & Mandarin Tonic我覺得有驚喜，幾Fresh，不過50蚊嚟講細杯咗少少朋友揀咗Pandan & Coffee Tonic 佢話飲唔到班蘭味，似沖淡左嘅咖啡，所以唔推薦。