天香牛什大王 (已結業)

去睇「南華打戰天水圍飛馬」之前，想食個快餐頂頂肚先。經過「天香牛什大王」，同朋友決定就係度食個「河粉」先再去大球場。我朋友叫左個「牛肚河」，全「草肚」，22蚊。我叫左個「筋腩河」，27蚊。我朋友見到張單後兜口兜面同我講:「哦!你叫左雙拼，要27蚊~!」我應: 「筋腩河係雙拼，艾! 」ok，算啦，叫都叫左就當雙拼喇~!碗麵黎到，確實多料夠大碗，起碼係「九x牛腩」既 1.8倍。食牛腩，「爽~!香~!好味道~!」唔怕得罪講句，係好食過「九x牛腩」。食牛筋，「軟淋淋、滑劣劣~!」仲要多都爭d食唔晒。但d麵餐收費就真係有d怪: 我對面搭檯位人兄，叫左「膀肚河加魚皮」d魚皮加到滿晒都係22蚊~!佢仲要好唔滿意咁話:「嘩~!d魚皮咁加法!？分開加嘛~」個侍仔一笑置之。順帶一提，加6蚊有細支裝汽水或凍飲選擇。