中華小館

營業中

休息中

鍾意中式裝修嘅朋友肯定鍾意呢度，裝修非常古色古香，仲未入去我同男朋友就瘋狂喺鋪頭外面影相打卡~ 我同男朋友冇book枱，但係好彩好快就安排我哋入座。餐牌非常豐富，有好多中華美食選擇，我哋睇到眼都花埋😵‍💫😵‍💫最後我哋都點咗店員推介嘅：⭐️ 鮮胡椒牛肋骨牛肉經過長時間燉煮已經變得好腍，仲有鮮胡椒帶嚟嘅辛辣香味，係呢道菜嘅亮點之一！一啲腥味都冇，再加上青椒紅椒嘅味道，豐富咗成個口感！⭐️ 脆皮燒腩仔經典粵菜之一！外皮烤得金黃誘人，但係肉質好鮮嫩，豬腩肉嘅肉香味經過烤製後更加濃郁！一口一塊真係唔夠我食！⭐️ XO醬炒花姿片花枝同埋帶子都非常新鮮！花枝本身嘅鮮味同XO醬嘅咸香味完美結合，真係好送飯嘅一道菜！