十字冰室 (恆陞大樓)

營業中

休息中

公司附近有間用十字奶做主打嘅十字冰室，我由細細個就喜歡飲十字奶，因為佢奶味香濃，既然咁近有間十字奶做主打嘅冰室，梗係要去試下啦！依度有好多選擇，三文治嘅蛋會用十字奶去煮，仲有好多懷舊午餐，例如鮮茄焗豬扒飯，肉醬意粉等等，我太耐無食焗豬扒飯，決定叫一個，再加支芒果木瓜十字奶。芒果木瓜十字奶有淡淡嘅芒果同木瓜味，真係兩種味都飲得出架，同時亦有牛奶嘅香濃。至於個鮮茄焗豬扒飯，熱辣辣，鮮茄醬好足，啱晒鐘意撈飯嘅我。而豬扒有兩大塊咁多，而已好冧，真係有懷舊嘅味道。依度實在有太多十字奶嘅食物，我下次要再黎試下個牛奶炒蛋！