影片
更多
2012-03-03
486 瀏覽
11月30日, 今日我生日我大晒~ 晏晝呀比為我準備咗個富有藝術氣息嘅慶祝活動過後, 因為佢知道我呢排好恨食芝士火鍋, 夜晚佢就神神秘秘咁帶咗我去瑞士… 餐廳度食晚餐~ 嘻嘻!! ::: 餐包 ::: complimentary落單後就侍應就為我地端上麵包盤, 滿滿一盤有幾款麵包比你揀~ 我揀嘅兩款麵包都幾香軟, 口感煙煙韌韌, 配上呢度特別嘅牛油一齊食就更香. 只是麵包唔夠暖, 似係擺得耐咗.::: 烘瑞士(辣力芝士)配新薯, 酸洋蔥仔及酸青瓜仔 ::: $60愛吃芝士嘅呀菲嚟到瑞士又點可以唔食呢個充滿代表性嘅raclette? 咪以為只有薄薄一片嘅烘芝士唔會好多, 其實成塊芝士就咁食都幾膩! 所以呢度都有唔同portion可以揀, 如果兩個人食就點最小的已經好夠. 烤過嘅芝士除咗外層變得脆脆地之餘, 芝士香氣更加濃郁~ 邊食芝士可以邊食下酸瓜減膩, 又可以食下勁有薯味嘅新薯中和一下芝士濃烈嘅鹹香, 作為一頓瑞士晚餐嘅前菜實在非點不可~::: 薄生黃麖片配芝士簇藜油及酸磨菇 ::: $145另一個想試嘅特別菜式. 此菜賣相超靚, 粉嫩的黃麖片上鋪上薄切芝士片, 中間放上酸磨菇同食.
::: 餐包 ::: complimentary
落單後就侍應就為我地端上麵包盤, 滿滿一盤有幾款麵包比你揀~ 我揀嘅兩款麵包都幾香軟, 口感煙煙韌韌, 配上呢度特別嘅牛油一齊食就更香. 只是麵包唔夠暖, 似係擺得耐咗.
::: 烘瑞士(辣力芝士)配新薯, 酸洋蔥仔及酸青瓜仔 ::: $60愛吃芝士嘅呀菲嚟到瑞士又點可以唔食呢個充滿代表性嘅raclette? 咪以為只有薄薄一片嘅烘芝士唔會好多, 其實成塊芝士就咁食都幾膩! 所以呢度都有唔同portion可以揀, 如果兩個人食就點最小的已經好夠. 烤過嘅芝士除咗外層變得脆脆地之餘, 芝士香氣更加濃郁~ 邊食芝士可以邊食下酸瓜減膩, 又可以食下勁有薯味嘅新薯中和一下芝士濃烈嘅鹹香, 作為一頓瑞士晚餐嘅前菜實在非點不可~
::: 薄生黃麖片配芝士簇藜油及酸磨菇 ::: $145另一個想試嘅特別菜式. 此菜賣相超靚, 粉嫩的黃麖片上鋪上薄切芝士片, 中間放上酸磨菇同食. 黃麖片望落夠晒粉紅透薄, 不過真係太薄喇, 薄到透光, 加上芝士片味道濃烈, 基本上連肉味都唔係好食到. 中間d酸磨菇味道又唔太夾. 其實肉同芝士都薄, 反而簇藜油落得太重手, 食到尾成碟底都仲有好多油… 整體特別但味道一般.
::: 牛仔肉丸芝士火鍋配香草, 番茄跟新薯及法包 ::: $210隆重登場嘅係瑞士菜招牌主角芝士火鍋! 傳統嘅芝士火鍋都會加入酒去增強味道兼且更有助暖身~ 呢度都有幾種唔同嘅有酒精芝士火鍋供應, 當中又有d芝士火鍋加入咗唔同材料去提味, 不過我地就加咗牛肉丸同香草番茄嘅芝士火鍋試下! 芝士火鍋以小火爐盛著一拼呈上, 澎湃芝士香從煲得滾燙嘅火鍋溢出, 香草同番茄令芝士味道層次更豐富~ 芝士嘅濃杰度好好, 用麵包輕輕一蘸已被完整包住, 但入口又唔會太膩太漿口. 新薯仔粉軟淋身, 薯味濃郁, 就咁食或點芝士食都一流! 反而一早浸在火鍋內的肉丸就比較遜色, 咬落質地唔嫩又無乜肉味, 下次叫d將肉類同芝士分開上嘅款式會更好~
::: 炸牛仔肉釀芝士及火腿跟瑞士薯餅 ::: $165無懼滯膩嘅我倆繼續叫食d芝士膩膩菜式! 我地全晚點嘅食物都真係樣樣都有芝士, 而講到最肥膩嘅一定係呢碟夾心火腿芝士炸牛仔肉拼薯餅!! 滯就係滯咗d… 不過又真係好好味~ 牛仔肉大大塊都算炸得香脆唔油膩, 切開牛仔肉亦可見佢無乜多餘嘅肥肉, 亦難得佢肉質偏瘦但都仲可以保持香嫩. 當中呈半溶狀態湧出嘅芝士固然是亮點, 同下面塊火腿同牛仔肉非常之咁夾! 雖然已經好飽但都唔忍心唔食晒佢! 旁邊嘅瑞士薯餅不論係飽滯度同味道都不能忽視~但 呢度嘅薯仔真係好好味! 而將佢切絲再煎成薯餅更為薯仔添上焦脆口感, 薯味更香更突出~ 真係十分十分好味~!!
::: Half Apple Cider and Half Apple Juice ::: $48話就話apple cider同apple juice一半半, 但飲落就真係唔太覺有酒味. 不過味道香甜, 蘋果味天然, 都幾好飲.
::: Iced Peach and Passion Fruit Tea ::: $42夠冰凍兼大大杯! 果味自然清甜, 茶味亦濃~ 係apple cider以外嘅好選擇!
::: Tiramisu ::: $72我的生日甜餅~ 同上年一樣都揀咗我最愛的tiramisu, 而且貫徹全餐都依然係有芝士嘅菜式~ 哈哈哈! 賣相小巧精緻, 又伴上鮮果減低甜膩. 成餐充滿芝士菜式嘅晚飯中要數佢嘅芝士味最清淡, 亦因為清淡所以先唔會搶去忌廉奶香. 不過佢唔係用lady fingers, 只係用上蛋糕片, 同埋酒味太勁, 都係鐘意意式tiramisu多d~
甫推門踏進餐廳, 已經覺得呢度嘅環境好cozy好warm~ 好似走咗入一個瑞士家庭咁! 店員大部份都係外籍人, 不過服務都很妥貼, 會為你介紹食物、提議食物配搭、上菜亦會因應你用餐速度調節~ 整餐飯每個菜都滿是瑞士特式, 令人感到真係置身瑞士一樣! 多謝呀比為我準備這晚豐富美味又特別的生日飯~~~ 張貼
