北京水餃店

營業中

休息中

好日都唔會入元朗，公事就無辦法，同事話元朗西巴士總站附近有間食拉麵餡餅，我行咗幾個圈估可能係呢間。一般街坊小店，任你有位就坐，見到佢北京水餃店有日式拉麵覺得有啲攪笑，不過做生意艱難，客人啱食就得。我見佢幼麵粗麵米綫粉絲同價，即係啲麵可以轉粉絲(最愛湯粉絲）！我叫擔擔麵轉粉絲加豆漿，落單嘅提我午餐抵啲，仲有水餃！我見隔離枱轉乜要乜走乜都冇話唔得，客人話走雪菜佢哋主動話比返啲椰菜，客人想轉素餃又好細心問清楚係咪湯都要素。午餐豆漿轉奶茶咖啡汽水加$4，冷熱同價！中午時間忙到團團轉，我見啲員工都好好態度，員工之間又好和氣，我都食得好愉快！講返食物，擔擔粉絲睇個湯似好辣，食落少辣，唔覺有花生醬，不過有花生，肉碎充足！水餃係韭菜餡。豆漿好味，不太甜！期待下次入元朗返工再試下其他食物！