影片
更多
2008-12-27
9 瀏覽
尋日(26-12-2008Fri)係Boxing day同媽媽出殯o既日子,爸爸同我相約大哥大嫂一早o黎飲茶後出發.我同爸爸7點鐘到達,先剔點心同交點心紙,就邊等佢o地.我o地應該係7:10am交點心紙,到7:25am至有點心.啊,呢o度係即叫即蒸,冇問題.擺低冇耐,佢o地就o黎到.咁我o地開餐喇.我同爸爸share o左一個排骨飯,唔係大盅o既,因為原來公眾假期同星期六10:00am前飲茶,大,中,小點都一律只收$13.50o既小點價錢.掛骨夠腍,肥瘦均勻,但飯就硬o左啲.小籠包,一籠四個,裡面都幾多汁,熱辣辣,唔錯.鮮蝦豆苗餃,食唔出豆苗味o既?算罷啦.千層蘿蔔酥,好熱,外面仍脆,唔錯o既.流沙奶黃包,好耐冇食喇.都唔流沙o既,而且唔熱lu,奶黃唔太甜,OK啦.牛肉球,唔太大粒,標準水準.叉燒腸同咸菜豬肚我都冇食,爸爸勁彈咸菜豬肚冇味.重有一樣我唔記得係咩o黎.之後大嫂加單,要o左:排骨飯,今次就大哥大嫂share食.XO醬蘿蔔糕,幾大碟,我覺得辣,佢o地就o岩食.燒賣,都係標準水準啦.外賣白腸粉同叉燒包,再加返兩粒燒賣同蘿蔔糕拎畀媽媽’食’.服務:一上到o黎個個都好好口咁同你講早
我同爸爸7點鐘到達,先剔點心同交點心紙,就邊等佢o地.我o地應該係7:10am交點心紙,到7:25am至有點心.啊,呢o度係即叫即蒸,冇問題.擺低冇耐,佢o地就o黎到.咁我o地開餐喇.
我同爸爸share o左一個排骨飯,唔係大盅o既,因為原來公眾假期同星期六10:00am前飲茶,大,中,小點都一律只收$13.50o既小點價錢.掛骨夠腍,肥瘦均勻,但飯就硬o左啲.
小籠包,一籠四個,裡面都幾多汁,熱辣辣,唔錯.
鮮蝦豆苗餃,食唔出豆苗味o既?算罷啦.
千層蘿蔔酥,好熱,外面仍脆,唔錯o既.
流沙奶黃包,好耐冇食喇.都唔流沙o既,而且唔熱lu,奶黃唔太甜,OK啦.
牛肉球,唔太大粒,標準水準.
叉燒腸同咸菜豬肚我都冇食,爸爸勁彈咸菜豬肚冇味.
重有一樣我唔記得係咩o黎.之後大嫂加單,要o左:
排骨飯,今次就大哥大嫂share食.
XO醬蘿蔔糕,幾大碟,我覺得辣,佢o地就o岩食.
燒賣,都係標準水準啦.
外賣白腸粉同叉燒包,再加返兩粒燒賣同蘿蔔糕拎畀媽媽’食’.
服務:
一上到o黎個個都好好口咁同你講早晨,落order時都係即時同你confir落幾多樣,又密密斟水同收o野.
但當我大嫂加單後,我o地都預o左等3個字,但因都幾趕時間,於是問一問個女侍應,佢唔應我就check電腦,我爸同佢講未得就唔要.佢check完邊行邊同我o地講(但冇望住我o地):3個字啫,整o緊啦,就行o左去廚房.我話,嘩!啲態度好差喎.之後啲點心到o黎.
o衣o家至明白,點解一啲人覺得服務態度冇問題,一啲人覺得好唔得.其他員工努力經營良好服務,就被其中一個破壞,我諗都唔會點再o黎.
$242.00
張貼