梁記餃子麵坊 (已結業)

我好鐘意食餃子，所以經過見到呢間餃子專門店一定要試下。好多款唔同既餃子，花多眼亂！！真係想試哂，有一款什錦餃應該可以試哂！！下次必試今次就試左菜甫沙葛餃（豬肉）拼香甜南瓜餃（豬肉）。我叫左剩餃無叫麵底。因為真係太鐘意食餃子碗餃子一上就想大叫！嘩！好多啊！正啊有成九粒餃子，仲有蔥花，成碗野一上就好香！湯底都好清甜唔會太咸。香甜南瓜餃，餃如其名，好香好甜，南瓜淋得黎唔會散哂，成舊餃好實淨，餃皮又薄，真係一粒又一粒，停唔到口！菜甫沙葛餃，對沙葛真係毫無抵抗力，好清爽清甜，配埋菜甫仲有紅蘿蔔，真係絕配，好好食！！叫野食仲可以加$4有豆漿，好有豆味，成餐都好滿足！一定要再食！