珍心素食豆漿豆腐花專門店 (已結業)

以前響呢頭返工幾乎日日都會幫襯呢間素食小店，因為啲嘢好好味😋，而且都好多款式，腸粉、碟頭飯、麵、碗仔翅、小食、豆漿豆腐花糖水都有～而且全部都好健康冇加味精～今次難得去返果頭當然要去幫襯下！😍😍其實好耐冇去好多野都好想食😍，我最鍾意佢嗰度嘅腸粉、素叉燒飯、豆腐花（好滑😍）、栥飯等（其實幾乎㨾樣都鍾意食😜）點指冰冰之下，叫返個雪菜肉絲麵同粢飯，雪菜肉絲麵依然好味☺️，佢哋嘅湯底係用素菜煲好耐煲出嚟，所以湯底都好飲唔會好齋，面係用健康嘅蕎麥面，配埋雪菜同素肉絲食健康又好味！😋🤤另外再加埋個粢飯🤤，都係我最愛之一（幾乎好多人入去都會食粢飯加腸粉😆），入面係好多素嘅肉鬆同油炸鬼，糯米加咗啲紅米，成個粢飯感覺健康但係又好好味！🤤😋👍🏻唔好睇相好似好dry,有機會經過真係要去試吓，雖然只係一間小店但係啲嘢真係好味㗎！👍🏻👍🏻老闆亦都好Nice 㗎☺️（而家已經好掛住想食埋個素叉燒飯Tim!🤤🤤）間中比自己食下素一樣好味又健康～👍🏻👍🏻👍🏻