影片
更多
2018-12-19
2146 瀏覽
「富臨」呢一家連鎖中菜館，話好唔好，話差又唔喺好差，以街坊角度，佢確喺實惠經濟，又不時提供好多晚市優惠，之不過，質素較參差，曾經有一年我哋嘅死佬飯局，都㷫到我要出手俾負評。但今晚嘅晚宴，服務及食物嘅質素又比預期好喎，加上喺一次意義重大嘅宴會，整體感覺又會喺唔同啲嘅。「富臨」呢個品牌，感覺近年主力開托一啲擺酒市場，始終，每年結婚嘅人唔少，擺婚宴確喺較搵到錢。就好似呢家「富臨皇宮」，唔需要多描述，一張大堂全景相就知環境有幾堂皇，而且，整個大禮堂大得嚟少柱位，確喺擺婚宴、搞大型酒會嘅好地點。而要走到入嚟石門咁遠水路食餐飯，當然喺因為特別事啦，皆因喺我母會嘅90周年堂慶，宴開百多席，咁盛大嘅事，亦喺機會難逢，當然要撐啦。菜式方面，都喺一般擺酒席嘅大路嘢，但睇菜式可見都喺揀啲平實經濟嘅，一圍幾錢就唔知喇，收費每人$300，相信都喺差唔多。汽水開得席，先喺12罐汽水，相信個酒席喺啲全包宴，包埋12罐汽水，由於喺百事系，我哋呢圍飲剩好多，哈哈，小弟竟然都可以帶走兩罐美蓮達添。侍應快快手放好晒所有醬料，亦喺上菜嘅前奏。金裝燒味拼盤雖然唔及乳豬全體咁有睇頭，但拼盤勝在俾大家有選擇，分蹄、豉油雞、煙鴨胸、
「富臨」呢個品牌，感覺近年主力開托一啲擺酒市場，始終，每年結婚嘅人唔少，擺婚宴確喺較搵到錢。就好似呢家「富臨皇宮」，唔需要多描述，一張大堂全景相就知環境有幾堂皇，而且，整個大禮堂大得嚟少柱位，確喺擺婚宴、搞大型酒會嘅好地點。
而要走到入嚟石門咁遠水路食餐飯，當然喺因為特別事啦，皆因喺我母會嘅90周年堂慶，宴開百多席，咁盛大嘅事，亦喺機會難逢，當然要撐啦。菜式方面，都喺一般擺酒席嘅大路嘢，但睇菜式可見都喺揀啲平實經濟嘅，一圍幾錢就唔知喇，收費每人$300，相信都喺差唔多。
汽水開得席，先喺12罐汽水，相信個酒席喺啲全包宴，包埋12罐汽水，由於喺百事系，我哋呢圍飲剩好多，哈哈，小弟竟然都可以帶走兩罐美蓮達添。
侍應快快手放好晒所有醬料，亦喺上菜嘅前奏。
金裝燒味拼盤雖然唔及乳豬全體咁有睇頭，但拼盤勝在俾大家有選擇，分蹄、豉油雞、煙鴨胸、叉燒、海蜇，想食乜就揀乜，質素唔算好高，但亦唔太失禮。
法式焗大蝦球伊麵依定「法式」一詞用得好濫吓，但姑勿論喺點，碟伊麵做得唔錯，啲大蝦夠大隻，又爽口，芝士漿調校得唔會太杰或太削，撈勻啲伊麵，確喺幾香。
翡翠炒彩鳳蚌片咁靚菜名即喺乜？咪西蘭花炒雞柳同蚌片，雖然唔喺咩特色菜，但事實上炒得幾好架，啲西蘭花仲帶少少爽口感，而雞柳嫩滑，啲蚌片咬落有韌勁，卻喺唔會韌到咬唔入。
金磚百花球百花球即喺炸蝦丸，初頭諗，點金磚法呢？究竟喺條形？定球狀呢？原來金磚喺另一樣嘢嚟：炸鮮奶。啲炸鮮奶得喎，外脆內軟，有奶香，而啲蝦丸亦打得爽彈，兼且兩者食落都唔算油。
竹笙海皇燴燕窩依家無再食魚翅，所以，今晚嘅湯羹唔喺翅就啱晒我喇。筵開百幾圍，上菜嘅時間梗喺比較緊湊，其實個海皇羹面有一大撮燕窩，不過，未影得切阿姐已經分緊。個羹推得稀杰度啱啱好，而且，羹內有幾多料下，絕無欺場。
蠔皇生財扣北菇啲大花菇自然喺呢道菜式嘅主角，隻隻花菇又大又厚肉，夠晒菇香，生菜亦唔會煮到太腍，仲有啲爽脆，至於個蠔汁濃郁薄身，最鬼怕推到好似啲膠水咁杰。
清蒸大海石斑條斑的確喺幾大條架，估計都有3斤，入口非常有魚鮮味，而且，蒸得夠晒火喉，拿捏嘅時間啱啱好，夾到最入骨位附近啲肉，都無話未熟透，配啲蔥絲，沾少少豉油，魚肉食落更鮮甜。
脆皮炸子雞掂喎！睇色澤炸得金黃平均，外皮十分香脆，入口不膩，而雞肉比預期嫩滑，斬得俐落無咬到碎骨。
五穀豐登即喺糯米飯，依家無乜人嘥時間生炒架喇，而個飯炒得麻麻哋，相信喺蒸飯時水多咗啲，飯粒偏腍，唔喺煙糯嗰種腍，喺有少少爛爛哋嗰種腍，故影響咗整體嘅食味。
精美甜品是晚嘅甜品會喺乜？喺紅棗糕，由於睇落色澤唔算深沉，故入口紅棗味都喺預計中唔強勁，個人就覺得淡薄咗少許，還好口感黏黏糯糯，感覺幾好，又唔會太甜。
最後喺合時鮮果，一盤12個大橙，所以，都費事影出嚟。雖然百多席，但整晚上菜嘅節奏、速度都幾平均，而做酒席嘅侍應大多數都喺臨時工，不過，服務算唔錯，至少有禮貌，亦無咩犯錯，上菜又順序，最唔鍾意有啲酒家亂咁出菜，此外，菜式嘅份量夠晒大碟頭添。
張貼
