胡爐 (已結業)

好耐冇食打邊爐放題，今晚食咗呢間質素好高！一開始先有一兜迷你佛跳牆，味道幾好食！佢個放題好豐富，一開始先揀一個窩，我哋要咗胡爐醉鴨窩！鴨窩一上枱已經聞到陣陣酒香，食起上嚟鴨肉鮮嫩，肉質夠淋，好食！之後就有海鮮拼盤、胡爐拼盤、手工丸餃拼盤，仲有好多火鍋料可以追加，真係好豐富海鮮樣樣都好新鮮，最正係鮑魚，口感幾好，味道都幾鮮！肉類方面我哋鍾意黑毛豬同埋澳洲和牛，雖然呢個胡爐拼盤冇得追加，不過已經分量十足！和牛味道濃郁，大家食到停唔到！之後已經好飽，唔係食咗好多火鍋料；推介一定要食廣島蠔，Order左幾轉都好正！食到最後個湯底好正，用嚟煮公仔麵啱晒！食到好飽好滿足