影片
更多
2012-10-20
83 瀏覽
星期六唔使再返工，有時會瞓得晏，晏咗食早餐自然午餐都食唔落住，所以就不如等食下午茶餐，慳番少少錢！儲咗幾個月稿，就一次過寫一輯「我的美孚下午茶餐」系列，其實唔算咩特別食評，只喺記吓小弟幫襯美孚好幾檔餐廳下午茶嘅食記。燉奶佬晌美孚開咗兩年幾，開檔之初都較多幫襯，之前對佢又喺寫咗幾篇食評，不過篇篇都喺晚市，其他時段就未有幫襯。最近，老婆經朋友以七折價買咗幾張燉奶佬現金券，所以，就搵咗個星期六晏晝試試佢啲下午茶餐。下午茶餐有兩套餐牌，一套喺分為「滋味小食」、「茶餐精選」，另一套喺無乜名堂，立立雜雜咁，總之兩套夾埋一共有25款選擇，$23-$34！乾炒豬扒意粉 $32雖然喺食下午茶，小弟都喺慣叫啲飽肚嘢。乾炒意粉好耐無食喇，所以就一試乾炒豬扒意粉，講都唔信，豬扒算俾得多，有三大舊，相反意粉就少，雖然炒得幾「勻巡」，可惜有啲鹹。餐飲就要杞子圓肉龍眼蜜，套餐喺可以免費升級，潤一潤吓先。其實圓肉咪即喺龍眼囉，個名好似好累贅，原來圓肉所指真喺有龍眼肉在內，不過沉晌杯底，龍眼蜜確實飲嚟潤啲，叫做抵番意粉啲鹹味囉！夏威夷燒雞沙律 $29老婆就想食得輕怡少少，叫咗個沙律，飲熱檸水。雖然叫燒雞沙律，不過塊雞扒
燉奶佬晌美孚開咗兩年幾，開檔之初都較多幫襯，之前對佢又喺寫咗幾篇食評，不過篇篇都喺晚市，其他時段就未有幫襯。最近，老婆經朋友以七折價買咗幾張燉奶佬現金券，所以，就搵咗個星期六晏晝試試佢啲下午茶餐。
下午茶餐有兩套餐牌，一套喺分為「滋味小食」、「茶餐精選」，另一套喺無乜名堂，立立雜雜咁，總之兩套夾埋一共有25款選擇，$23-$34！
乾炒豬扒意粉 $32雖然喺食下午茶，小弟都喺慣叫啲飽肚嘢。乾炒意粉好耐無食喇，所以就一試乾炒豬扒意粉，講都唔信，豬扒算俾得多，有三大舊，相反意粉就少，雖然炒得幾「勻巡」，可惜有啲鹹。餐飲就要杞子圓肉龍眼蜜，套餐喺可以免費升級，潤一潤吓先。其實圓肉咪即喺龍眼囉，個名好似好累贅，原來圓肉所指真喺有龍眼肉在內，不過沉晌杯底，龍眼蜜確實飲嚟潤啲，叫做抵番意粉啲鹹味囉！
夏威夷燒雞沙律 $29老婆就想食得輕怡少少，叫咗個沙律，飲熱檸水。雖然叫燒雞沙律，不過塊雞扒只喺「煎」過再加洋蔥汁，唔係燒雞，風味大減。而「夏威夷」難道就喺晌啲雜果沙律之上加咗半塊罐頭菠蘿？個沙律唔算有咩驚喜或突出，屬大路製作嘅出品，收$29算喺咁。
炸春卷 $24因為每張現金券喺面值$40，食完兩個下午茶餐先$61，佢哋又唔收加一。用一張又要補多廿幾蚊，用兩張又唔甘心蝕俾佢，所以結果就點多一客炸春卷 $24。依個唔喺餐，喺散叫嘢，所以一客有成5條，條條都幾大，一開二，內餡都喺普普通通嘅蘿蔔絲、甘筍絲，味道一般，勝在香脆唔油。兩公婆食埋份炸春卷，真喺好飽！
用上兩張現金券，補多$5，咁又一餐喇，哈哈。張貼
