影片
更多
2024-09-29
1424 瀏覽
自製long weekend，諗住同兩個吃貨去食餐好嘅。見到呢間餐廳KKday有優惠，大家都冇試過，就諗住去會一會佢啦。酒店地點唔就腳， book枱嘅時候已經知道，呢個唔係問題。我哋三件吃貨未到六點到達餐廳，因為自助餐未開始，我哋就諗住行過圈睇吓有咩食啦。一望，心諗大鑊，正所謂一眼睇晒，都唔使話行過圈望吓有啲咩，自助餐嘅位置好細，目測食物種類非常少。。。因為KK day預訂，見到咁嘅情況都冇得縮沙，唯有就試吓佢啦，正面嘅我哋有諗過佢會唔會只係地方淺窄，但食物種類會不停更換，或者食物種類少，味道好好味呢(自我安慰中)。我吃貨小熊習慣先食熱盤，俾個胃Warm up吓，可以食得多啲嘢。第一樣嘢攞嘅係串燒，咦。。。心諗，唔係啩，牛丸，芝士腸，燒燶青椒。。。are you serious?隔離有一盤天㷌羅，望真啲，炸蓮藕，炸四季豆，幾隻炸急凍蟹鉗。。。我唔係寄望有天㷌羅蝦，乜番薯同南瓜好貴咩？熱盤方面非常容易介紹，因為得幾樣。炒西蘭花(無肉)，所謂嘅蟹肉炒飯(師傅唔記得落鹽)，紅酒燴牛肉 (牛肉又乾又冇味)，蒸魚(勁腥)。正常少少嘅有豉椒蟶子王( 但考牙力)，胡椒炒蟹有胡椒味(好難得舊舊蟹肉都係
酒店地點唔就腳， book枱嘅時候已經知道，呢個唔係問題。
我哋三件吃貨未到六點到達餐廳，因為自助餐未開始，我哋就諗住行過圈睇吓有咩食啦。一望，心諗大鑊，正所謂一眼睇晒，都唔使話行過圈望吓有啲咩，自助餐嘅位置好細，目測食物種類非常少。。。
因為KK day預訂，見到咁嘅情況都冇得縮沙，唯有就試吓佢啦，正面嘅我哋有諗過佢會唔會只係地方淺窄，但食物種類會不停更換，或者食物種類少，味道好好味呢(自我安慰中)。
我吃貨小熊習慣先食熱盤，俾個胃Warm up吓，可以食得多啲嘢。
第一樣嘢攞嘅係串燒，咦。。。心諗，唔係啩，牛丸，芝士腸，燒燶青椒。。。are you serious?
隔離有一盤天㷌羅，望真啲，炸蓮藕，炸四季豆，幾隻炸急凍蟹鉗。。。我唔係寄望有天㷌羅蝦，乜番薯同南瓜好貴咩？
熱盤方面非常容易介紹，因為得幾樣。炒西蘭花(無肉)，所謂嘅蟹肉炒飯(師傅唔記得落鹽)，紅酒燴牛肉 (牛肉又乾又冇味)，蒸魚(勁腥)。正常少少嘅有豉椒蟶子王( 但考牙力)，胡椒炒蟹有胡椒味(好難得舊舊蟹肉都係霉嘅)。
見到隔籬枱食羊架，啲羊架好似風乾冇煮過咁，又紅又乾。舊燒牛肉係well done,自問冇乜牙力去挑戰佢。
海鮮有生蠔，蝦，海螺，長腳蟹，青口。。。我本身食生蠔，但食過其他海鮮都係霉嘅，所以唔敢試生蠔。長腳蟹啲腳非常纖幼，剪開嘅時間非常考功夫，不過因為冇乜其他選擇，佢啲肉尚算可以接受，所以食得最多係佢。
突然見到有人排隊，唔執輸又睇吓有乜，原來有半隻焗龍蝦。懷着興奮嘅心食第一啖，又實，又腥，肉都係霉嘅。
佢最大嘅賣點係每人有隻大閘蟹，會有專人去每張枱根據人頭派俾你。點知啲蟹膏係苦嘅，舔吓都搞唔掂，完全食唔落。
刺身有四款，半件壽司都冇，刺身職員八點幾已經收檔。啲刺身出晒水，成灘水喺個碟度浸住啲魚生，所以都冇食。
最𠝹櫈嘅位係甜品，有交行貨嘅忌廉蛋捲，自稱和菓子，完全唔想掂佢嘅芒果布甸， 好Hea嘅桂花糕。最過分係窩夫要自己整，
一碗碗蛋漿放晒喺度冇嘢冚住，佢嗰個仲係門口位置，有部機喺度俾你自己整，實在太特別。
咁大個人第一次自助餐會食嘉頓餐包，加蘑菇湯，唔食真係餓住返屋企。
有一樣唔嘢唔錯，就係蟲草花雞湯，非常油，不過至少有味。
呢個自助餐，係唯一一次食完完全冇罪惡感，因為一啲都唔飽，不停問自己食過啲咩。
$470
33 瀏覽
0 讚好
0 留言
張貼
