漫活堂 (已結業)

要係香港整日享受到HEA著慢活既節奏，第一時間諗到長州;今次平日去，避開假期人山入海既長洲「HEA著」玩。11點尾先由碼頭龜速行經呢間舖，就被舖名SLOW LIFE吸引著。舊木製玻璃摺門同水泥裝修感覺和諧舒適，同我個HEA既感覺好夾;好有鄉郊田野風，檯同椅子主要用木為主。陳設都好細心,連個廁所牆身都有畫左長洲景物。日光由兩旁大門引入令人好放鬆,加上店員細心，真係放鬆到唔願走。坐左陣先叫左兩個set lunch,店員話大廚係菲律賓人，而食材係採用有機食材,餐牌會定期轉，我當日同朋友食左"碳燒豬扒配薯蓉及時菜" 同 "香煎魚柳配香草烤薯"及時菜我同朋友一致認為勝價比高，因為同中環一船程之距就可以用呢個價錢食到咁好食既同咁正既環境。個沙律又fresh又大又好味，豬扒煎得外面香口又軟又多汁，魚都煎封得剛剛好。食完飲個花茶個人relax到差D訓著。下次一定再去。