麥記美食

營業中

休息中

一直都好想食返細細個食嘅鍋貼嗰隻味道，早排喺網上面睇到話北角麥記美食嘅鍋貼好食，於是今日就lunch time過北角買嚟食，我叫咗小籠包、鍋貼同埋生煎包，老實講佢嘅鍋貼唔差，但係未至於好好食，因為佢本身唔係好大隻，其實個size都可以接受，因為佢細隻嘅關係所以肉汁就比較少，不過又咁講，佢嘅價錢只不過係$10/3隻，其實CP值已經好高，所以都可以推薦嘅…不過，我就係依三款裏面，比較鍾意食生煎包，佢嘅size唔係好大隻，大過隻小籠包少少，所以份量啱啱好，唔會話俾個包食到好飽，而佢嘅價錢一樣係$10/3隻，非常抵！至於小籠包，係即叫即蒸，所以大約要等10分鐘，我覺得都屬於好食嘅小籠包，因為佢只係$24籠，一籠有四粒，去邊度搵咁平嘅小籠包，仲要味度唔差，佢唯一輸咗就係環境，因為如果你要堂食係需要坐街，如果你接受唔到就買外賣啦。不過我真係推薦生煎包。