新桂香燒臘

營業中

休息中

呢個燒味飯真係講起就嬲嬲地😡因為人地介紹話佢叉雞飯好食先特意行過呢邊食，肥叉都算啦，我真係無見過肥叉既肥可以肥到走晒瘦🙄見到呢幾舊晶瑩既肥叉嗎？不過講到最嬲都係岩岩開始食五分鐘之後就有新鮮出爐靚叉🙄🙄🙄真係燥左......本身去到同啲哥仔講要叉雞瘦叉，跟住佢地話得肥叉喎不如食燒肉（緊係sell你食燒肉 貴差不多一倍價錢，不過價錢都唔係最重要）咁本身一心食叉燒諗住無瘦既肥少少都唔緊要啦...但會唔會一黎就走瘦先？仲要凍既..........🤢有啲良心就同人講等一陣就有正常叉燒 等唔等就係客人既選擇啦嘛，我唔敢講 可能有人好中意呢種肥叉，但我真係唔識欣賞囉...都真係聽佢講食左一份燒肉雞飯。翠華個乳豬飯好味好多🌝方丈記住你了。