火井火鍋海鮮飯店

營業中

休息中

打邊爐係本人一年四季都非常喜歡嘅活動，今次試嘅火井門口貼左唔少明星相，有兩層，感覺好local，要叫野食可以隨時大叫😅唔會有張點菜紙俾你tick tick tick 呢度係我地食嘅嘢嘅一小部份，之後掛住食冇再影相，講下佢嘅牛肉，差唔多$300一碟份量算有返咁上下。左邊係美國牛，右邊係手切牛頸脊，牛頸脊正好多，一啲都唔肥又超有鮮牛味，咬落有好soft，好正！如果知道咁正一早叫多啲，因為限量供應再加單已經冇……咁員工就recommend我哋叫premium版牛頸脊，貴$100，我地好似食多左3盆，其實都好食，不過唔知點解我地都覺得平啲嗰隻牛頸脊反而好食d其他嘢食大部份都唔錯，連個烏冬都唔頹。惟一唔好食嘅係羊肉，多肥膏又冇咩味，唔洗試。員工都好nice，價錢唔算平但食物質素幾好。