明珠閣 (已結業)

同男朋友在沙田學游水，都過咗9點正常食飯時間，正煩惱食乜好，居然俾我地見到「明珠閣」在宵夜時段有8折，仲有個「宵夜特區」menu，簡直啱晒！由於真係夜深啦，驚難消化，所以我們叫咗「雲吞雞湯」（sorry太肚餓，唔記得影相），飲下湯食下少少肉咁，唔會撐住個肚。個湯底好濃郁，雲吞又好滑，值得推介！要數最特別既係：呢個「三色手工包」！好得意！尤其係個豬鼻同豬耳，好可愛，顏色搭配得好好♥️味道就還好啦！每款係可以單點架，不過我覺得呢個組合可以試晒三款，啱晒我呢個港女😂呢餐之後，我都推薦咗呢間餐廳俾有小朋友的friend，小朋友一見到豬仔包包勁開心☺️