Attic Handmade Pasta (已結業)

裝飾有點復古-水晶球吊燈，大大的鏡子，梳化位最有特色，可以提早預約梳化位，今次叫咗2個set dinner。是日餐湯 椰菜忌廉湯前菜香煎法國鵝肝配紅酒燴梨及榛子碎流心蛋黃蟹黃蟹肉自家製意大利雲吞主菜海膽醬手打意粉，海葡萄，烏魚子卡邦尼手打意粉香煎法國鵝肝配紅酒燴梨及榛子碎煎過嘅鵝肝口感軟綿，散發着鵝既油脂香，加入咗榛子碎非常特別，紅酒燴梨少少酸，中和返油膩感。流心蛋黃蟹黃蟹肉自家製意大利雲吞餡料嘅配搭非常邪惡，一切開已經流出蛋汁，蟹黃蟹肉非常鮮甜，意大利雲吞皮煙靭，我非常中意。海膽醬手打意粉，海葡萄，烏魚子手工意粉煙靭Q彈，掛汁能力高，醬汁用左日本海膽、麵豉、清酒製成，口感好rich，每一啖都食到香濃海膽味，加埋沖繩特製海葡萄同埋烏魚子，帶有海水嘅鹹香味，增加口感。卡邦尼手打意粉用左意式風乾豬腩肉（Pancetta ），比起煙肉更有油脂香，味道更香濃，更有傳統風味。卡邦尼口感柔滑豐盈，濃郁嘅蛋香味加上意式風乾豬腩肉鹹香味，非常夾，係食過嘅卡邦尼意粉之中數一數二。