影片
更多
2023-04-15
1019 瀏覽
餐廳：JEP by Involtini (屯門)地址：屯門良德街8號珀御地下G05號舖Hey What? Tonight Just Eat Pasta！連續五年獲得米芝蓮推介、杜汶澤都有介紹過嘅Involtini Italian Cuisine，三年幾前喺屯門開咗姊妹店JEP by Involtini，今次專登入咗屯門下白泥附近行山🏔，之後就book咗呢間由米芝蓮大廚親自領銜嘅意日Fusion手工意粉餐廳🍴餐廳分咗室外同室內座位，室內以黑白色系構成典雅嘅型格風⚫️⚪️，除咗幾張方枱之外，仲有望住Open Kitchen嘅高櫈吧枱；室外就比較寫意，日頭同夜晚有兩種截然不同嘅氣氛，睇吓入夜之後四圍嘅樹開晒燈幾靚幾浪漫😍，而且餐廳仲喺Pet Friendly，可以帶埋心愛嘅貓貓狗狗過嚟添🐩晚市見到有A La Carte Menu同3-Course Tasting Menu，識揀一定喺揀後者，包前菜、主食、甜品同飲品。啱啱坐低店員就送上熱辣辣法式牛油麵包同酸種麵包🥯，配埋餐廳自家製嘅黑醋牛油一齊食又喺一番滋味🧈，另外叫咗兩杯咖啡——Cappuccino同Latte，兩隻天鵝喺咖啡上雙雙起舞🦢，活靈
地址：屯門良德街8號珀御地下G05號舖
Hey What? Tonight Just Eat Pasta！
連續五年獲得米芝蓮推介、杜汶澤都有介紹過嘅Involtini Italian Cuisine，三年幾前喺屯門開咗姊妹店JEP by Involtini，今次專登入咗屯門下白泥附近行山🏔，之後就book咗呢間由米芝蓮大廚親自領銜嘅意日Fusion手工意粉餐廳🍴
餐廳分咗室外同室內座位，室內以黑白色系構成典雅嘅型格風⚫️⚪️，除咗幾張方枱之外，仲有望住Open Kitchen嘅高櫈吧枱；
室外就比較寫意，日頭同夜晚有兩種截然不同嘅氣氛，睇吓入夜之後四圍嘅樹開晒燈幾靚幾浪漫😍，而且餐廳仲喺Pet Friendly，可以帶埋心愛嘅貓貓狗狗過嚟添🐩
晚市見到有A La Carte Menu同3-Course Tasting Menu，識揀一定喺揀後者，包前菜、主食、甜品同飲品。
啱啱坐低店員就送上熱辣辣法式牛油麵包同酸種麵包🥯，配埋餐廳自家製嘅黑醋牛油一齊食又喺一番滋味🧈，
另外叫咗兩杯咖啡——Cappuccino同Latte，
兩隻天鵝喺咖啡上雙雙起舞🦢，活靈活現，打卡一流📸
✝️前菜
用咗麵豉同清酒醃漬八爪魚兩日🐙，夠晒入味同軟腍，之後拎去燒香，帶有輕輕焦脆口感同焦香味道，入口幾爽嫩😋，配埋超級Juicy嘅日本高糖番茄🍅，比我想像中香甜好多！昆布醋啫喱仲帶嚟醋香嘅味覺衝擊，更加開胃🤓
✝️主菜—手造意大利幼麵配西班牙紅蝦·紅蝦膏濃汁 (+$160)
餐廳新鮮每日自己搓麵糰，再用專程喺外國購入嘅壓麵機將麵糰壓成唔同形狀，整成各式各樣嘅手工意粉🍝，而呢個餐廳No.1嘅Signature意大利幼麵就贏得唔少人掌聲👏：兩隻剝左殼嘅巨型西班牙紅蝦🦐，整齊咁排列喺幼麵旁邊，用咗紅蝦、甘筍、白蘭地煮成濃汁，食完隻彈牙新鮮嘅紅蝦，再將蝦頭入面嘅濃郁蝦膏撈埋幼麵一齊食，嗰種鮮甜得嚟一啲都唔腥嘅滋味真喺濃而不膩，
加上Al Dente半生熟嘅幼麵質感，外軟內煙韌，軟硬控制得啱啱好，真心只有經驗同手工製先整到咁好食，值得推薦👍
✝️主菜—松葉蟹甲羅燒蟹膏意大利飯 (+$80)
充滿層次感嘅日式fusion意大利飯，外圍主要用咗昆布、蜆同蟹湯去燉香個飯，內層再加埋松葉蟹肉、蟹膏，仲有生鵪鶉蛋，
以甲羅燒嘅做法去調味，先喺外層食一啖，再到內層又食一啖，最後撈勻一齊食，由淡到濃，由好味到更加好味，蟹嘅鮮香滲透喺每一粒意大利飯之中🦀️，三種食法帶嚟三種滋味，唔知你又鍾意點樣食呢😜
✝️甜品
鮮甜嘅青提子、清新淡淡提子香嘅Mascarpone cheese 、法式蛋白薄脆、混合咗提子同檸檬嘅啫喱🍇🍋，四款唔同質感同味道嘅食物，集甜、酸、鹹於一身，有鬆脆、有柔軟、有滑溜、有爽脆，用叉整散再一啖放入口，水果嘅甜酸中和咗Mascarpone cheese溜嘅感覺，更加多嘅喺幸福同豐足嘅滋味🥰
張貼
