影片
更多
2024-06-04
41 瀏覽
約咗個鍾意食靚嘢嘅朋友食晚飯，去咗尖沙咀云手工火鍋店。餐廳座位十分舒適，感覺高貴。我哋點咗以下嘅菜式：牛舌心串燒（$58）：一客有兩件。好鍾意牛舌嗰種油香味。牛舌心嘅部位，質感份外幼嫩唔嚡口。美國安格斯牛小排串燒（$68）：一客有五小件。燒得啱啱好，唔會Overcook，令牛小排充滿肉汁，牛小排牛味香濃。火焰沙白蟹鍋（$348）：呢個鍋真係比足料，有成十幾隻沙白蜆，完整一隻嘅蟹。職員首先將唐芹，紅椒，沙白蜆同埋蟹爆香，再加埋芫荽炒一陣後，就加埋啲酒再點火烹調，真係香氣四溢！最後職員就加埋上湯冚蓋加熱，煲滾之後我哋就食得喇。職員提我哋要飲咗碗湯先，我哋就照住做，果然個湯真係好鮮好香濃，大家一定要飲呀。我哋跟住就慢慢食啲蜆同埋蟹。啲沙白蜆隻隻都開口，好Juice鮮味。隻蟹就好多膏同好好肉。美國安格斯牛肉（$268）：我哋叫咗呢個係中size，兩個女仔其實都好夠食。牛肉顏色鮮紅，雪花分布平均。跟返餐廳嘅建議淥5-10，牛肉呈粉紅色嘅狀態就最食到牛肉嘅鮮味，口感亦都好嫩滑。不得不讚餐廳嘅侍應服務態度真係好好。不停地幫我哋換骨碟，又幫我哋撇咗火鍋面頭嘅雜質出嚟。好細心。
約咗個鍾意食靚嘢嘅朋友食晚飯，去咗尖沙咀云手工火鍋店。餐廳座位十分舒適，感覺高貴。
我哋點咗以下嘅菜式：
牛舌心串燒（$58）：一客有兩件。好鍾意牛舌嗰種油香味。牛舌心嘅部位，質感份外幼嫩唔嚡口。
美國安格斯牛小排串燒（$68）：一客有五小件。燒得啱啱好，唔會Overcook，令牛小排充滿肉汁，牛小排牛味香濃。
火焰沙白蟹鍋（$348）：呢個鍋真係比足料，有成十幾隻沙白蜆，完整一隻嘅蟹。職員首先將唐芹，紅椒，沙白蜆同埋蟹爆香，再加埋芫荽炒一陣後，就加埋啲酒再點火烹調，真係香氣四溢！最後職員就加埋上湯冚蓋加熱，煲滾之後我哋就食得喇。職員提我哋要飲咗碗湯先，我哋就照住做，果然個湯真係好鮮好香濃，大家一定要飲呀。我哋跟住就慢慢食啲蜆同埋蟹。啲沙白蜆隻隻都開口，好Juice鮮味。隻蟹就好多膏同好好肉。
美國安格斯牛肉（$268）：我哋叫咗呢個係中size，兩個女仔其實都好夠食。牛肉顏色鮮紅，雪花分布平均。跟返餐廳嘅建議淥5-10，牛肉呈粉紅色嘅狀態就最食到牛肉嘅鮮味，口感亦都好嫩滑。
不得不讚餐廳嘅侍應服務態度真係好好。不停地幫我哋換骨碟，又幫我哋撇咗火鍋面頭嘅雜質出嚟。好細心。
張貼
