餃掂手工餃子雲吞專門店

今日入咗將軍澳探阿妹，之後一齊去咗新都城中心行吓，阿妹知道我喜歡食餃子，就同我去中心入面嘅餃掂手工餃子雲吞專門店食嘢，原來餃掂入咗嚟開分店，之前我時常都有去太子分店食，味道唔錯㗎！龍鳳松茸餃（黑白松露）跟狀元九鼎湯龍鳳即係黑白松露，用來包餃子係全港首創，餃子皮簿餡靚，肉餡香郁多汁，松露味道香濃，啖啖鮮甜肉汁加上松茸香，名貴兼高質！湯底真材實料嘅狀元九鼎湯，用鯪魚、鯽魚、排骨、粉色、紅蘿蔔、扁豆、赤小豆等熬製而成，無味精，夠哂火喉，香甜可口，十分滋補。芫茜豬肉餃：香味十足嘅芫茜把豬肉的鮮香帶出來，味道更清新更鮮甜。用狀元九鼎湯做湯底，有益健康，一口湯、一口餃嘅配搭，十分滋味！香煎軟心芝士餃：煎餃的外層煎成金黃色，熱辣辣時最香脆可口，餡料內芝士微微溶化，豬肉和粟米鮮甜，加埋芝士的味道，非常惹味！黃金原味皮蛋：黃金皮蛋的口感亦比黑皮蛋軟一點點，沒有那麼強烈的醃製味道，味道亦較濃郁。蜜餞雞翼：雞翼嫩滑，配搭蜜餞做醬汁，甜味十足。