餃掂手工餃子雲吞專門店

之前聽朋友推介過餃掂好多次，今日放工果陣見到冇人排隊，即刻入去試下。龍鳳至尊松茸豬肉湯餃餃子整體皮偏厚而質感煙韌，入面有白松露同黑松露，仲塞滿嫩豬肉，入囗微酸。隨餃附送一碗狀元九鼎湯，湯嘅味道偏淡，咬一啖餃，飲一口湯，湯嘅味道唔會搶過餃子味道，岩岩好可以帶出松露嘅香味。推薦！香煎軟心芝士餃餃子皮煎至金黃香脆，內裡係粟米同流心芝士，幾新奇嘅。涼麵最初怕唔夠飽，就點左個凉麵去打底。涼麵麵質偏硬，淋上辣椒油同胡麻醬，再撒上花生碎。食落有啲咬口，好夾味。估唔到佢雖然係餃子鋪，但係涼麵都不失水準，抵贊。蜜餞雞翼蜜餞雞翼甜甜地，外皮有小小酥脆，肉質嫰滑帶汁。我地嗌左大份5隻，岩岩好夠兩人食。