大麥牛肉麵 (已結業)

上次去香港大學站嗰個邊食飯，路過見到呢間小店幾特別，主打台灣古早風味，但標榜麵係全人手打，而且仲有蕎麥麵添。而且平日有折扣，又帶埋D飯腳去食下先入面地方不大，佈置格局行簡約風，擺設也與食材相關，簡單樸實～望望個餐牌也是較簡單，主食分麵食同飯類兩種，尚有數款小食和飲料提供，我哋四丁友，剛好一人吃一個主食，另外再叫咗一款小食同飲品，可一次過嚐到幾款食物～牛肉麵分別叫咗普通及蕎麥麵，可選辣或不辣。來到首要飲咗啖湯先~味道清新，吃得辣可試辣味～100％沒味精，牛腱做得爽口有嚼勁，而麵就自家手打，好Q彈，如果喜歡爽Q，推薦食蕎麥麵，比普通麵更彈牙。飯類叫咗個古早滷肉便當，下飯一流食品，呢個飯爆多汁，而廚師將滷肉切成小塊，不如外邊的肉碎款，口感更佳，仲有半個糖心滷蛋佐囗。小食我地叫咗滷水雞翼丶皮蛋豆腐同埋拍青瓜，豆腐洒上肉鬆，豆腐好嫩滑，三樣一齊食非常美味，拍青瓜酸度恰當，青瓜清脆爽口，鹵水雞亦鹵得夠滑，入味非常飲料方面，小店除提供汽水外，仲有一個自家制桂花薄荷酸梅湯，酸勁十足，賣相漂亮，帶有淡淡桂花和薄荷嘅清香，消暑解膩之選