大家食 (福榮街) (已結業)

今日係3,8婦女節, 本來無預定見到我男友, 點知因同開亞媽去散步, 正好男友放工及時, 我地又可以見. 由於佢仲未食dinner, 我地就約埋一齊行去深水埗搵食(雖然我已食飽左晚飯). 我地去到福華街附近時已9點半有多, 都吾知食咩既情況下, 男友想起之前睇過此web既好評資料, 所以就揀"大家食"不過當我地見到有兩個門口,而且都係叫"大家食"男友就叫我決定去邊間, 我最後揀左近黃金那邊的一間(純為直覺). 一入到去, d亞姐已經好好招呼叫我地坐....之後佢仲好"盡忠職守"地企在我地面前足足幾分鐘, 完全無意式到要比小小空間我地"淋"下食d咩(其實主力係我男友食之ma). 我地終於決定食: -1) 豬肉窩心蝦丸(即:醬爆豬肉丸)手攪麵比個名欺騙左, 佢絕對吾係蝦丸... 而且仲有好多油在個丸心內, 好肥. 不過佢既湯底就吾錯, 一d都吾油, 只在湯面加左1, 2滴麻油. 麵質方面就吾錯, 好彈牙, 夠煙韌, 連我明明食飽左都要同男友爭食2) 炸鍋貼叫左無耐就到左, 仲炸得幾靚, 係個碟油左少少之ma. 而且咬落有好多菜, 好爽口, 幾好.3) 凍豆醬無咩特別, 不過味道上就甜左d.