影片
更多
2019-08-29
1492 瀏覽
呢晚嚟到位於坑口東港城嘅砂煲兄弟。餐廳位置人流唔算多，唔係咁啱經過見到都唔知道。適逢開張一周年，餐廳由即日起至8月31日做緊八折優惠，即刻入咗去試😋室內裝修富舊香港氣息，以七、八十年代嘅大牌檔作為主題，牆上仲有舊香港街道嘅油畫🇭🇰餐廳打正旗號以砂煲做主題，所以好多菜式都係以砂煲上碟。涼拌蔥油豆腐（$33）豆腐好滑，但又夠硬，唔會一夾就散👍蔥油好香，配上豆腐一齊食，口感豐富，味道又夾，幾開胃。手足情深煲仔飯（$75）呢到嘅煲仔飯大大話話都有十多款，我哋就叫咗呢個幾特別嘅手足情深煲仔飯。揭起煲蓋，陣陣煲仔飯香氣飄出。淋上煲仔飯鼓油，食得！飯底熱辣辣，飯粒分明，仲有少許飯焦，正😋「手足情深」嘅「手足」指豬手同豬腳。豬手豬腳醃得入味，肉質嫩滑彈牙，仲有豐富骨膠原！馬拉盞時蔬（$68）呢日嘅時蔬係通菜。上枱嘅時候仲有「咋咋」聲，夠曬wok氣！唔辣，但就好惹味！芥末蜜糖一字骨雞翼（$42）Lazy people (like me 🤣) 就最鍾意食一字骨雞翼，貪佢啖啖肉，唔洗拆骨。雞翼炸到脆卜卜，配上帶微微甜辣嘅芥末蜜糖醬，加上炸得香脆嘅波浪形薯條，好滋味！邪惡金沙西多士（$30）西多士本身已經邪惡
呢晚嚟到位於坑口東港城嘅砂煲兄弟。餐廳位置人流唔算多，唔係咁啱經過見到都唔知道。適逢開張一周年，餐廳由即日起至8月31日做緊八折優惠，即刻入咗去試😋
室內裝修富舊香港氣息，以七、八十年代嘅大牌檔作為主題，牆上仲有舊香港街道嘅油畫🇭🇰餐廳打正旗號以砂煲做主題，所以好多菜式都係以砂煲上碟。
涼拌蔥油豆腐（$33）豆腐好滑，但又夠硬，唔會一夾就散👍
蔥油好香，配上豆腐一齊食，口感豐富，味道又夾，幾開胃。
手足情深煲仔飯
$75
39 瀏覽
0 讚好
0 留言
呢到嘅煲仔飯大大話話都有十多款，我哋就叫咗呢個幾特別嘅手足情深煲仔飯。
揭起煲蓋，陣陣煲仔飯香氣飄出。
手足情深煲仔飯
$75
36 瀏覽
0 讚好
0 留言
飯底熱辣辣，飯粒分明，仲有少許飯焦，正😋
「手足情深」嘅「手足」指豬手同豬腳。豬手豬腳醃得入味，肉質嫩滑彈牙，仲有豐富骨膠原！
馬拉盞時蔬
$68
15 瀏覽
0 讚好
0 留言
呢日嘅時蔬係通菜。
上枱嘅時候仲有「咋咋」聲，夠曬wok氣！
唔辣，但就好惹味！
芥末蜜糖一字骨雞翼（$42）Lazy people (like me 🤣) 就最鍾意食一字骨雞翼，貪佢啖啖肉，唔洗拆骨。
雞翼炸到脆卜卜，配上帶微微甜辣嘅芥末蜜糖醬，加上炸得香脆嘅波浪形薯條，好滋味！
邪惡金沙西多士
$30
25 瀏覽
0 讚好
0 留言
西多士本身已經邪惡，呢到嘅配搭更加係極度邪惡！！😈
厚身方包之間夾住濃厚花生醬（我哋唔食花生所以老闆好貼心咁幫我哋轉咗夾咖央醬），yaam上蛋黃，以高溫炸至金黃色，再淋上朱古力醬同煉奶，鋪滿黑白朱古力粒。
西多士外脆內軟，好睇、好食、好肥，但都食唔停！
紅豆冰（$26）（跟餐+$13）夏日炎炎，梗係要嗌返杯透心涼嘅紅豆冰。
椰汁味好濃🥥，紅豆夠軟腍入味，但如果紅豆再多啲就perfect池喇！🤩
龍鳳檸樂
$26
11 瀏覽
0 讚好
0 留言
檸樂、咸檸樂好多地方都見到，但就好少見有曬兩種檸檬嘅龍鳳檸樂，的確係有飲舊式冰室嘅感覺呀！
值得試下呀！
Menu:
張貼
