煲仔榮記 (已結業)

講起沙嗲牛麵食邊間好，慈雲山「榮記」一定榜上有名~其實想試好耐，奈何太遠所以一直都無去到。咁啱見到旺角原來都有分店，位置幾方便所以就去咗~ 餐廳位於油麻地地鐵站附近，裝修顯眼特別，一眼就可以搵到~店內成個裝修細至餐具、枱凳都超級懷舊，氣氛滿滿，好啱打卡！ 🧡傳統滑牛肉沙嗲雞湯公仔麵（$78）沙嗲牛麵係餐廳嘅招牌菜式，不過可惜令人失望！定價過高，食物質素跟唔上個價錢！滑牛肉係唔錯既，好嫩好滑！湯底好重味，但淨係得死鹹，食唔到沙嗲同花生嘅味，無任何味道層次。不過好在枱面都有一啲醬料可以自己加，加咗會好返少少！ 🧡雞皮卷（$20）雞皮卷有驚喜，外皮炸得好脆，入面嘅雞肉好juice，值得一試！ 🧡流心奶黃蛋撻（$20）流心奶黃蛋撻味道帶酸，食落有少少似yogurt，但又未至話好特別，有興趣都可以一試！ 🧡樽仔奶茶（$20）茶味濃郁，會有少少回甘！適合鐘意茶味較濃嘅人士！