影片
更多
2024-10-14
1546 瀏覽
同朋友聚會嚟講，去cafe坐下chil下都係一個唔錯嘅選擇，貪佢靜靜地，傾句偈都舒服啲，仲可以打吓卡，影啲IGable嘅相，好容易就過左一晚。呢間喺佐敦嘅樓上Cafe，位置相當闊落，牆上嘅一啲字句真係引人內心微笑。打完卡就係時候食野啦，先嚟個《黑松露薯條》，薯條炸得香脆，配埋黑松露醬食真係好過癮，啱哂邊食邊傾。 再然後《狂野酥炸雞翼配水牛城蛋黃醬》，入口十分酥脆香口，同時間肉質仍然保持嫩滑。然最特別嘅係佢嘅水牛城蛋黃醬，除左有蛋黃醬嘅味，味蕾仲感受到水牛城汁嘅辣，真係十分有創意，夠哂開胃。到主角出場啦，呢個《極厚切牛頸脊》，我敢講呢個真係可以媲美五星級大酒店嘅質素，生熟程度控制得剛剛好，而且唔會有血水流出，肉質鮮嫩牛肉味重，整個擺盤仲十分之靚。《黑松露牛肝菌雜菇意粉》，每一條意粉都吸滿汁，菇味十分濃郁，然而意粉能保持口感，唔會軟淋淋。最後緊係要食返個甜品啦，《水果天堂窩夫配焦糖香蕉》大大份夠幾個人分，窩夫香脆，Cream幼滑，配埋朱古力醬同無糖雪糕真係為呢餐畫個完美句號。
呢間喺佐敦嘅樓上Cafe，位置相當闊落，牆上嘅一啲字句真係引人內心微笑。
打完卡就係時候食野啦，先嚟個《黑松露薯條》，薯條炸得香脆，配埋黑松露醬食真係好過癮，啱哂邊食邊傾。
再然後《狂野酥炸雞翼配水牛城蛋黃醬》，入口十分酥脆香口，同時間肉質仍然保持嫩滑。然最特別嘅係佢嘅水牛城蛋黃醬，除左有蛋黃醬嘅味，味蕾仲感受到水牛城汁嘅辣，真係十分有創意，夠哂開胃。
到主角出場啦，呢個《極厚切牛頸脊》，我敢講呢個真係可以媲美五星級大酒店嘅質素，生熟程度控制得剛剛好，而且唔會有血水流出，肉質鮮嫩牛肉味重，整個擺盤仲十分之靚。
《黑松露牛肝菌雜菇意粉》，每一條意粉都吸滿汁，菇味十分濃郁，然而意粉能保持口感，唔會軟淋淋。
最後緊係要食返個甜品啦，《水果天堂窩夫配焦糖香蕉》大大份夠幾個人分，窩夫香脆，Cream幼滑，配埋朱古力醬同無糖雪糕真係為呢餐畫個完美句號。
張貼
