土生花 (已結業)

慶祝好朋友生完BB，於是請佢食佢最鍾意嘅港女下午茶😊呢度環境認真唔錯，裝修同擺設都好精緻，後尾先知道原來呢度裝修用咗過千萬！重點唔係個咖啡用Cocktail杯裝，而係旁邊杯粉紅色茶，Waitress介紹呢一個係紅菜頭茶，聽個名已經有少少驚，倒出嚟見到個色咁夢幻，真係要鼓起勇氣先可以飲第一啖呀🙈好彩冇乜味。造型係好靚鹹點甜點老實講啲食物真係麻麻地，鹹點勉強都叫食得曬，甜點大部份咬左一啖已經唔想再食。例如米通好淋好痴牙好似疏左風咁，左手邊嘅芝麻餅同埋對下嗰舊蛋糕仔好似超級市場買返嚟嘅現成野。以六百蚊兩位嘅價錢，我食過其他更好嘅選擇。