一只酸奶牛 (已結業)

去mk買嘢見到呢間舖頭好多人排隊，而且大多數都係女仔！咁我就入去睇下乜嘢事，睇下買乜嘢咁出位。原來係賣yogurt飲品，我見多人買有好多人喺度影相打卡，廣東話都有講，執輸行頭慘過敗家，我梗係跟隊買一杯嚟飲。果肉莓莓酸奶，一杯嘢賣成$38！都唔平呀！望起上嚟都幾靚，但係飲落口就覺得個yogurt好似稀咗啲，唔係好夠酸又唔係好夠奶香味，士多啤梨肉又唔係好多，飲起上嚟都比較甜。當然每一個人嘅口味都有所唔同，我就認為唔好飲囉。我覺得呢間舖頭同飲品用嚟打卡好過。