影片
更多
2021-03-14
591 瀏覽
最近上網見到有間餐廳個飯係整成一個藍色既富士山 睇落幾得意 一定要去試下 但原來間餐廳係食素既 餐廳既位置係係新蒲崗Mikiki 其實去既話真係唔太方便 冇乜車可以直接去到 一定要車轉車 除非搭的士就可以直到 我地搭mtr去鑽石山 再轉屯馬綫去啟德 車程都幾快下 一出mtr出口就有指示 教埋你行出去 因為附近都係地盤 乜都冇 基本上係得一條路 由mtr出口行過去商場都要10分鐘左右 唔遠又唔算好近 餐廳係係LG個層 姐係同一田超市同一層附近都仲有唔少餐廳 呢間餐廳既門面同餐廳入面都好令 但唔記得左影相 Menu選擇都幾多 有啲係set 有啲係單點 咁我地係為左個富士山先黎食 咁當然會揀返個個set啦 同埋set感覺上多啲野食 會抵啲咁 有前菜有湯有小食有主菜有甜品仲有飲品 都係$108蚊 有加一服務費 前菜有ABCD揀 都幾多選擇 主菜都有3款朋友前菜揀左炸蕃薯條 蘑菇忌廉湯 昆布關東煮同凍豆腐最好食係炸蕃薯條 同平時食開個啲一樣 正正常常 個湯同個凍豆腐就普普通通 冇乜特別 但個昆布關東煮就同想像中有啲出入 原來係蘿蔔同菇黎 味道都正常 主菜揀左吉列素豬扒跟咖喱汁配富士碟豆花飯 吉
餐廳既位置係係新蒲崗Mikiki 其實去既話真係唔太方便 冇乜車可以直接去到 一定要車轉車 除非搭的士就可以直到 我地搭mtr去鑽石山 再轉屯馬綫去啟德 車程都幾快下 一出mtr出口就有指示 教埋你行出去 因為附近都係地盤 乜都冇 基本上係得一條路 由mtr出口行過去商場都要10分鐘左右 唔遠又唔算好近 餐廳係係LG個層 姐係同一田超市同一層附近都仲有唔少餐廳
呢間餐廳既門面同餐廳入面都好令 但唔記得左影相
Menu選擇都幾多 有啲係set 有啲係單點 咁我地係為左個富士山先黎食 咁當然會揀返個個set啦 同埋set感覺上多啲野食 會抵啲咁 有前菜有湯有小食有主菜有甜品仲有飲品 都係$108蚊 有加一服務費 前菜有ABCD揀 都幾多選擇 主菜都有3款
朋友前菜揀左炸蕃薯條 蘑菇忌廉湯 昆布關東煮同凍豆腐
最好食係炸蕃薯條 同平時食開個啲一樣 正正常常 個湯同個凍豆腐就普普通通 冇乜特別 但個昆布關東煮就同想像中有啲出入 原來係蘿蔔同菇黎 味道都正常 主菜揀左吉列素豬扒跟咖喱汁配富士碟豆花飯 吉豬係一塊切開四件 炸到金黃色好香脆 入面應該係豬肉加啲好細舊既雲耳 咖喱汁食落係辣既 唔係日本個種甜甜地
而我前菜就揀左野菜天婦羅 日式粟米湯 野菜福袋 羽衣甘藍沙律 最好食係野菜天婦羅 不過就得個一舊 粟米湯同沙律正正常常 冇乜特別 個野菜福袋係塊腐皮包住啲菇 好似同朋友揀個個昆布關東煮差唔多 只不過係多左塊腐皮 主菜揀左椰菜花漢堡跟西蘭花菠菜汁配富士碟豆花飯 個漢堡係有兩件 都係炸到金黃色好香脆 入面係椰菜花雲耳同埋菇 都好食既 個汁就好明顯係食到西蘭花同菠菜既味 味道係唔錯既
另外個富士碟豆花飯食落係冇味既 係正常咁一個飯 只不過係用左富士山既造型整個飯出黎 呢個係幾特別既
最後仲有個最期待既甜品係海鹽焦糖冬甩雪糕 呢個係呢間餐廳同佢地其他分店必食既甜品 上次食個個係原個冬甩加雪糕 今次係一粒粒既波提冬甩砌成 另外仲跟埋一球雲呢拿雪糕 個冬甩同上次食既一樣咁好食 食落煙煙韌韌 好中意呢種口感 個餐仲包埋杯凍既烏龍茶 就係一杯正正常常既茶
整體黎講 環境係幾令既 價錢都合理既 員工服務態度都好好 味道都正常既 普通野 冇乜特別 不過我地就唔太識欣賞素呢樣野 打下卡 食一次就夠了
左上：野菜天婦羅 右上：日式粟米湯 左下：羽衣廿藍沙律 右下：野菜福袋
38 瀏覽
0 讚好
0 留言
吉列素豬扒跟咖喱汁配富士碟豆花飯
26 瀏覽
0 讚好
0 留言
左上：炸蕃薯條 左上：蘑菇忌廉湯 左下:凍豆漿 右下:昆布關東煮
28 瀏覽
0 讚好
0 留言
椰菜花漢堡跟西蘭花菠菜汁配富士碟豆花飯
26 瀏覽
0 讚好
0 留言
凍烏龍茶
10 瀏覽
0 讚好
0 留言
海鹽焦糖冬甩雪糕
10 瀏覽
0 讚好
0 留言
張貼
