影片
更多
2020-10-11
50 瀏覽
其實每次去新餐廳有八成都係因為餐廳環境而去（對不起我就是港女）今次特登去咗長沙灣試呢間餐廳，就係因為佢有波希米亞田園風裝飾，仲有藤椅鞦韆俾人打卡，不過去到先要叫咗嘢食先😂（相片在食評最後）除左環境，第二個選擇餐廳嘅重點係要有啱生酮食嘅嘢，由於我食唔到太多餐入面嘅食物就冇叫餐啦，叫咗個煙三文魚沙律同埋辣肉腸意粉，仲加咗個生蠔，生蠔係只要嗌嘢食就可以+一百二十幾蚊六隻，甜耶耶朋友照舊要嗌凍朱同brownie食😂食物質素都好平均唔錯，有驚喜嘅係煙三文魚嘅份量比得好多，依個價錢多數得兩塊仔，依度有四塊以上，係生酮朋友之選朋友就負責食糖同澱粉質😂朋友話個朱古力有啲淡，建議可以落多啲朱古力，而個辣肉腸意粉就有啲失色啦，嗰啲腸偏硬，同埋味道滲唔到入意粉，於是辣肉腸有啲太鹹，而意粉有啲太淡。朋友最後話唔夠飽叫多咗個Brownie，不過唔知點解等咗20分鐘都冇影，於是就問吓店員，睇佢哋嘅反應都幾肯定係溜咗單🙃🙃🙃佢哋即刻幾分鐘整返俾我哋，服務態度都OK。不過Brownie就有啲overcooked，令到蛋糕體偏乾偏硬，不過食得出味道係均衡，不會太甜，朱古力味濃郁，希望下次唔好焗過龍啦😛最最最後梗係要俾大
今次特登去咗長沙灣試呢間餐廳，就係因為佢有波希米亞田園風裝飾，仲有藤椅鞦韆俾人打卡，不過去到先要叫咗嘢食先😂（相片在食評最後）
煙三文魚沙律
1 瀏覽
0 讚好
0 留言
除左環境，第二個選擇餐廳嘅重點係要有啱生酮食嘅嘢，由於我食唔到太多餐入面嘅食物就冇叫餐啦，叫咗個煙三文魚沙律同埋辣肉腸意粉，仲加咗個生蠔，生蠔係只要嗌嘢食就可以+一百二十幾蚊六隻，甜耶耶朋友照舊要嗌凍朱同brownie食😂
食物質素都好平均唔錯，有驚喜嘅係煙三文魚嘅份量比得好多，依個價錢多數得兩塊仔，依度有四塊以上，係生酮朋友之選
生蠔
$128
2 瀏覽
0 讚好
0 留言
朋友就負責食糖同澱粉質😂
朋友話個朱古力有啲淡，建議可以落多啲朱古力，而個辣肉腸意粉就有啲失色啦，嗰啲腸偏硬，同埋味道滲唔到入意粉，於是辣肉腸有啲太鹹，而意粉有啲太淡。
朋友最後話唔夠飽叫多咗個Brownie，不過唔知點解等咗20分鐘都冇影，於是就問吓店員，睇佢哋嘅反應都幾肯定係溜咗單🙃🙃🙃
佢哋即刻幾分鐘整返俾我哋，服務態度都OK。
不過Brownie就有啲overcooked，令到蛋糕體偏乾偏硬，不過食得出味道係均衡，不會太甜，朱古力味濃郁，希望下次唔好焗過龍啦😛
最最最後梗係要俾大家睇吓佢地嘅環境
真係好靚，但佢唔止呢面牆靚，餐廳內都有呢啲編織網掛係用餐區域，好可惜原來唔止呢個位置，餐廳行入啲仲有一個類似梳化嘅位置仲靚，不過因為當晚人不多，沒有人進入後面區域所以忽略了啦！不過店家都好貼心，有啲藤籃等道具俾大家影相時裝b一下👍呢個位又加返分
整體而言都係一家坐得舒服的餐廳，假日來休息一下非常不錯👍
張貼
